ಚೆನ್ನೈ: ತಮಿಳಿನ ಖ್ಯಾತ ಕವಿ ಸೈಯದ್ ಅಬ್ದುಲ್ ರಹಮಾನ್ ಇಂದು ನಸುಕಿನ ಜಾವ ನಿಧನರಾಗಿದ್ದಾರೆ. ಅವರಿಗೆ 80 ವರ್ಷ ವಯಸ್ಸಾಗಿತ್ತು. ಕಳೆದ ಕೆಲ ದಿನಗಳಿಂದ ಅವರು ಮೂತ್ರ ಸೋಂಕಿನಿಂದ ಬಳಲುತ್ತಿದ್ದರು.
ಅವರು ಪುತ್ರ ಹಾಗೂ ಪುತ್ರಿಯನ್ನು ಅಗಲಿದ್ದಾರೆ. ಅಂತಿಮ ವಿಧಿ ವಿಧಾನ ನಾಳೆ ನಡೆಯಲಿದೆ.
ಮಧುರೈಯಲ್ಲಿ ನವೆಂಬರ್ 2, 1937ರಲ್ಲಿ ಜನಿಸಿದ ರಹಮಾನ್ ವನಿಯಂಬಡಿಯ ಇಸ್ಮಾಯ ಕಾಲೇಜಿನಲ್ಲಿ 29 ವರ್ಷಗಳ ಕಾಲ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದ್ದರು. ಪುದುಕವಿತೈ ಮಾದರಿಯ(ಮುಕ್ತ ಗೀತೆಗಳು) ಕವಿತೆ ಬರೆಯುವುದರಲ್ಲಿ ಅವರು ಖ್ಯಾತರಾಗಿದ್ದಾರು.
ವನ್ನಂಬಾಡಿ ಸಾಹಿತ್ಯ ಚಳವಳಿಗೆ ಸೇರಿದವರಾಗಿದ್ದರು. 1999ರಲ್ಲಿ ಅವರ ಕವಿತೆ ಸಂಗ್ರಹ ಆಲಪನೈಗೆ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಬಂದಿತ್ತು.
