ಕಾಶ್ಮೀರದಲ್ಲಿ ಜೆಕೆಎಲ್ ಎಫ್ ಅಧ್ಯಕ್ಷ ಯಾಸೀನ್ ಮಲಿಕ್ ಬಂಧನ

ಶ್ರೀನಗರ: ದಕ್ಷಿಣ ಕಾಶ್ಮೀರದ ಸೊಫೈನ್ ಜಿಲ್ಲೆಯಲ್ಲಿ ಶಾಂತಿ ಕದಡಲು ಯತ್ನಿಸುತ್ತಿದ್ದ ಜಮ್ಮುಕಾಶ್ಮೀರ ಲಿಬರೇಷನ್ ಫ್ರಂಟ್ ಅಧ್ಯಕ್ಷ ಯಾಸೀನ್ ಮಲ್ಲಿಕ್ ನನ್ನು ಬಂಧಿಸಲಾಗಿದೆ.

ಮಲಿಕ್ ಜೊತೆಗೆ ಆತನ ಸಂಘಟನೆಯ ವಲಯ ಅಧ್ಯಕ್ಷ ನೂರ್ ಮಹಮದ್ ಎಂಬಾತನನ್ನು ರಕ್ಷಣಾ ಪಡೆ ಸೋಫಿಯಾನ್ ನಲ್ಲಿ ಇಂದು ಬೆಳಗ್ಗೆ ವಶಕ್ಕೆ ತೆಗೆದುಕೊಂಡಿದ್ದಾರೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.

ತಮ್ಮ ಸಂಘಟನೆಯ ಮುಖಂಡರು ಜೈಲಿನಲ್ಲಿರುವ ಸರ್ಜಾನ್ ಬರ್ಕಾತಿ ಕಟುಂಬಸ್ಥರನ್ನು ಭೇಟಿ ಮಾಡಲು ರೆಬಾನ್ ಗೆ ತೆರಳಿದ್ದರು. ಆ ವೇಳೆ ಅವರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ, ಇಬ್ಬರನ್ನು ರಹಸ್ಯ ಸ್ಥಳಕ್ಕೆ ಕರೆದೊಯ್ಯಲಾಗಿದೆ ಎಂದು ಜೆಕೆಎಲ್ ಎಫ್ ಸಂಘಟನೆ ವಕ್ತಾರ ಹೇಳಿದ್ದಾರೆ.