ಮುಂಬೈ: ಭಾರತದ ಬ್ಯಾಂಕ್ ಗಳಲ್ಲಿ ಸರಿ ಸುಮಾರು 9 ಸಾವಿರ ಕೋಟಿ ರುಪಾಯಿ ಸಾಲ ಮಾಡಿ ದೇಶ ಬಿಟ್ಟು ಪರಾರಿಯಾಗಿ ಲಂಡನ್ ನಲ್ಲಿ ನೆಲೆಸಿರುವ ಉದ್ಯಮಿ ವಿಜಯ್ ಮಲ್ಯ ಅವರು ವೈಭವೋಪೇತ ಜೀವನ ನಡೆಸುತ್ತಿದ್ದಾರೆ.
ವಿಜಯ್ ಮಲ್ಯರ ಲಂಡನ್ ನಲ್ಲಿರುವ ಮನೆಯಲ್ಲಿ ಚಿನ್ನದ ಟಾಯ್ಲೆಟ್ ಕಮೋಡ್ ಇದೆ ಎಂದು ಆಂಗ್ಲ ಲೇಖಕ ಜೇಜ್ ಕ್ರ್ಯಾಬ್ ಟ್ರೀ ಎಂಬುವರು ಮುಂಬೈನಲ್ಲಿ ನಡೆದ ಸಮಾರಂಭವೊಂದರಲ್ಲಿ ಈ ಅಚ್ಚರಿಯ ವಿಚಾರವನ್ನು ತಿಳಿಸಿದ್ದಾರೆ.
ಜೇಜ್ ಕ್ರ್ಯಾಬ್ ಟ್ರೀ ಅವರು ನಾನು ಒಮ್ಮೆ ಲಂಡನ್ ನ ಮಲ್ಯರ ಮನೆಗೆ ಹೋಗಿದ್ದೆ. ಆಗ ಚಿನ್ನದ ಟಾಯ್ಲೆಟ್ ನೋಡುವ ಸುಸಂದರ್ಭ ಒದಗಿ ಬಂದಿತ್ತು ಎಂದು ಹೇಳಿದ್ದಾರೆ ಎಂದು ಎಕಾನಾಮಿಕ್ಸ್ ಟೈಮ್ಸ್ ವರದಿ ಮಾಡಿದೆ.
