ಲೋಹರ್ದಾಗಾ: ಜಾರ್ಖಂಡ್ನ ಲೋಹರ್ದಾಗಾದಲ್ಲಿ ಇಬ್ಬರು ಅಪ್ರಾಪ್ತೆಯರ ಮೇಲೆ 11 ಜನ ಅತ್ಯಾಚಾರ ಎಸಗಿದ ದಾರುಣ ಕೃತ್ಯ ನಡೆದಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಲ್ಲಿನ ಪೊಲೀಸರು 11 ಮಂದಿಯನ್ನ ಬಂಧಿಸಿದ್ದಾರೆ.
ಆಗಸ್ಟ್ 16ರಂದು ಹಿರಿಹರ್ ಟೋಲಿ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, 18 ರಿಂದ 28 ವರ್ಷದ ಒಳಗಿನ 11 ಆರೋಪಿಗಳಿಂದ ಈ ಕೃತ್ಯ ನಡೆದಿದೆ. ಬೈಕ್ನಲ್ಲಿ ಬಂದ ಈ ಗುಂಪು ಬಾಲಕಿಯೊಬ್ಬಳ ಮೇಲೆ ದೌರ್ಜನ್ಯ ಎಸಗಲು ಮುಂದಾಗಿದೆ.
ಆ ವೇಳೆ ಬಾಲಕಿ, ತನ್ನ ಗೆಳತಿಗೆ ಫೋನ್ಮಾಡಿ ಸಹಾಯ ಕೋರಿದ್ದಾಳೆ. ಈ ವೇಳೆ ಎಲ್ಲ 11 ಜನ ಇಬ್ಬರು ಬಾಲಕಿಯರಿಗೆ ಕಿರುಕುಳ ನೀಡಿದ್ದಾರೆ.
ರಕ್ಷಣೆಗೆ ಬಂದ ನೆರೆಹೊರೆಯವರ ಹಲ್ಲೆ ಮಾಡಿ, ಬಾಲಕಿಯರನ್ನ ದೂರ ಕರೆದೊಯ್ದು ಅತ್ಯಾಚಾರ ಎಸಗಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಈ ಪ್ರಕರಣಕ್ಕೆ ಸಂಬಂದ ಪಟ್ಟಂತೆ ಸಾದರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಬಾಲಕಿಯರಿಂದ ಹೇಳಿಕೆಗಳನ್ನ ದಾಖಲಿಸಿಕೊಳ್ಳಲಾಗಿದೆ.