ಬಾಲಾಸೋರ್ ನಲ್ಲಿರುವ ಅಬ್ದುಲ್ ಕಲಾಂ ಐಲ್ಯಾಂಡ್ (ವೀಲರ್ ಐಲ್ಯಾಂಡ್) ಮೊಬೈಲ್ ಉಡಾವಣಾ ವಾಹನದಿಂದ ಮಂಗಳವಾರ ಬೆಳಗ್ಗೆ 8.30ರ ವೇಳೆಯಲ್ಲಿ ಕ್ಷಿಪಣಿಯನ್ನು ಉಡಾವಣೆ ಮಾಡಲಾಯಿತು. ನಿಗದಿತ ಗುರಿಯನ್ನು ನಿಖರ ಸಮಯದೊಳಗೆ ತಲುಪುವ ಮೂಲಕ ಕ್ಷಿಪಣಿ ಪರೀಕ್ಷಾರ್ಥ ಉಡಾವಣೆ ಯಶಸ್ವಿಯಾಗಿದೆ. ಸ್ವದೇಶಿ ನಿರ್ಮಿತ ಅಗ್ನಿ-1 ಕ್ಷಿಪಣಿ ಪ್ರತಿ ಸೆಕೆಂಡ್ ಗೆ 2.5 ಕಿ.ಮೀ ವೇಗದಲ್ಲಿ ಚಲಿಸಬಲ್ಲ ಸಾಮರ್ಥ್ಯ ಹೊಂದಿದ್ದು, 9 ನಿಮಿಷ 36 ಸೆಕೆಂಡ್ ನಲ್ಲಿ 700 ಕಿ.ಮೀ ಕ್ರಮಿಸಿ ಗುರಿಗೆ ಅಪ್ಪಳಿಸುತ್ತದೆ. ಅಗ್ನಿ-1 ಕ್ಷಿಪಣಿ 12 ಟನ್ ತೂಕವಿದ್ದು, 15 ಮೀಟರ್ ಉದ್ದವಿದೆ.
