ಮದುವೆ ಸಂಭ್ರಮದ ವೇಳೆ ಫೈರಿಂಗ್ 7 ವರ್ಷದ ಬಾಲಕಿ ಸಾವು

ಗ್ವಾಲಿಯಾರ್: ಮದುವೆ ಸಂಭ್ರಮದ ವೇಳೆ ಫೈರಿಂಗ್ ಮಾಡಿದ್ದು ಗುಂಡು ತಗುಲಿ 7 ವರ್ಷದ ಬಾಲಕಿ ಮೃತಪಟ್ಟಿದ್ದಾಳೆ. 

ಹಳೆಯ ಗ್ವಾಲಿಯರ್ ನಲ್ಲಿ ಮದುವೆ ಸಂಭ್ರಮದ ವೇಳೆ ಫೈರಿಂಗ್ ಮಾಡಿದ್ದಾರೆ. ಈ ವೇಳೆ ಗುಂಡು ತಗುಲಿ ಏಳು ವರ್ಷದ ಶೀಜಲ್ ಜಡೋನ್ ಮೃತಪಟ್ಟಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಬಾಲಕಿ ಮದುವೆ ಕಾರ್ಯಕ್ರಮದ ವೇಳೆ ಚೇರ್ ನಲ್ಲಿ ಕುಳಿತಿದ್ದಾಗ ಗುಂಡು ಆಕೆಯ ಹೊಟ್ಟೆಗೆ ಹೊಕ್ಕಿದೆ ಎಂದು ಪೊಲೀಸ್ ಇನ್ಸ್ ಪೆಕ್ಟರ್ ಎಂಎಂ ಮಾಲ್ವಿಯಾ ಹೇಳಿದ್ದಾರೆ. 

ಈ ಸಂಬಂಧ ಅಪರಿಚಿತ ವ್ಯಕ್ತಿಗಳ ವಿರುದ್ಧ ಐಪಿಸಿ ಸೆಕ್ಷನ್ 304ರ ಅಡಿಯಲ್ಲಿ ಕೊಲೆ ಪ್ರಕರಣ ದಾಖಲಿಸಲಾಗಿದೆ ಎಂದು ಮಾಲ್ವಿಯಾ ಹೇಳಿದ್ದಾರೆ.