ಕೋಲ್ಕತ್ತಾ: ನಾರ್ ಕೇಲ್ ಡಂಗಾ ಎಂಬಲ್ಲಿ 40ರ ಹರೆಯದ ಪತ್ನಿ ಮಾತು ಕೇಳಲ್ಲಿಲ್ಲ ಎಂಬ ಕಾರಣಕ್ಕೆ 20ರ ಹರೆಯದ ಪತಿಯ ಎರಡು ಕಿವಿಯನ್ನು ಕತ್ತರಿಸಿ ಹಾಕಿರುವ ಘಟನೆ ನಡೆದಿದೆ.
40 ವರ್ಷದ ಮುಮ್ತಾಜ್ ಎಂಬಾಕೆ ತನ್ನ ಸಹೋದರಿಯರ ಸಹಾಯದೊಂದಿಗೆ ತನ್ನ 20 ವರ್ಷದ ಪತಿ ತನ್ವೀರ್ ನ ಎರಡು ಕಿವಿಯನ್ನು ಕತ್ತರಿಸಿ ಹಾಕಿದ್ದಾಳೆ.
ಮುಮ್ತಾಜ್ ಎರಡು ವರ್ಷಗಳ ಹಿಂದೆ ಸುಳ್ಳು ವಯಸ್ಸನ್ನು ಹೇಳಿ ತನ್ವೀರ್ ನನ್ನು ಮದುವೆಯಾಗಿದ್ದಳು. ನಿರಂತರವಾಗಿ ಕಿರುಕುಳ ನೀಡುತ್ತಿದ್ದರಿಂದ ತನ್ವೀರ್ ಹಲವು ಬಾರಿ ತಪ್ಪಿಸಿಕೊಳ್ಳಲು ಯತ್ನಿಸಿ ವಿಫಲನಾಗಿದ್ದ.
ಇದೀಗ ಮತ್ತೊಮ್ಮೆ ಆತ ತಪ್ಪಿಸಿಕೊಳ್ಳಲು ಮುಂದಾದಾಗ ಮುಮ್ತಾಜ್ ತನ್ನ ಸಹೋದರಿಯರೊಂದಿಗೆ ಸೇರಿಕೊಂಡು ತನ್ವೀರ್ ಗೆ ಥಳಿಸಿ ಆತನ ಕಿವಿಯನ್ನು ಕತ್ತರಿಸಿದ್ದಾಳೆ.
ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
