3 ವರ್ಷದ ಮಗುವನ್ನು ನದಿಗೆ ಎಸೆದು ಆತ್ಮಹತ್ಯೆಗೆ ಶರಣಾದ ಸಲಿಂಗಿ ದಂಪತಿ

ಅಹಮದಾಬಾದ್: ಸಬರಮತಿ ನದಿಗೆ ಮೂರು ವರ್ಷದ ಮಗುವನ್ನು ಎಸೆದ ಸಲಿಂಗಿ ದಂಪತಿಗಳು ತಾವು ನದಿಗೆ ಹಾರಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ. 

ನಾವು ಒಂದಾಗಿರಲು ಈ ಪ್ರಪಂಚ ಬಿಡಲಿಲ್ಲ. ಹೀಗಾಗಿ ಈ ಪ್ರಪಂಚದಿಂದಲೇ ದೂರ ಹೋಗುವುದಾಗಿ ಆತ್ಮಹತ್ಯೆ ಪತ್ರದಲ್ಲಿ ಸಲಿಂಗಿ ದಂಪತಿಗಳು ಬರೆದಿದ್ದಾರೆ. 

ತಮ್ಮ ಸಲಿಂಗ ದಾಂಪತ್ಯ ಜೀವನಕ್ಕೆ ಉಂಟಾದ ಅಡಚಣೆಯಿಂದ ನೊಂದು ಇಬ್ಬರು ಮಹಿಳೆಯರು ಮಗುವಿನೊಂದಿಗೆ ನದಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. 

ಈ ದಂಪತಿಯ ಪೈಕಿ ಓರ್ವ ಮಹಿಳೆ ಅದಾಗಲೇ ಮದುವೆಯಾಗಿದ್ದು ಆಕೆಗೆ ಮೂರು ವರ್ಷದ ಮಗುವಿತ್ತು. ಈ ಮಗುವನ್ನು ಮೊದಲಿಗೆ ನದಿಗೆ ಹಾಕಿ ನಂತರ ಇಬ್ಬರು ಸಲಿಂಗಿ ದಂಪತಿ ನದಿಗೆ ಹಾರಿದ್ದಾರೆ. 

ಮೃತರನ್ನು 30 ವರ್ಷದ ಆಶಾ, 28 ವರ್ಷದ ಭಾವನಾ ಹಾಗೂ 3 ವರ್ಷದ ಮೇಘಾ ಎಂದು ಗುರುತಿಸಲಾಗಿದೆ.