ಕೇರಳ: ಕೋಯಿಕ್ಕೋಡ್ ನಲ್ಲಿ ನಿಗೂಢ ವೈರಾಣು ಸೋಂಕಿಗೆ ತುತ್ತಾದ 8 ಜನರ ಸ್ಥಿತಿ ಗಂಭೀರ

ಕೋಯಿಕ್ಕೋಡ್: ಕೇರಳದಲ್ಲಿ ಒಂದೇ ಕುಟುಂಬದ 3 ಜನರು ನಿಗೂಢ ವೈರಾಣು ಸೋಂಕಿಗೆ ತುತ್ತಾಗಿ ಮೃತಪಟ್ಟಿದ್ದು, ಮುನ್ನೆಚ್ಚರಿಕಾ ಕ್ರಮವಾಗಿ ಕೇರಳದ ಆರೋಗ್ಯ ಇಲಾಖೆ ಸೋಂಕಿನ ಲಕ್ಷಣಗಳನ್ನು ಹೊಂದಿದ 25 ಜನರನ್ನು ವೀಕ್ಷಣೆಯಲ್ಲಿಟ್ಟಿದೆ. 

25 ಜನರು ಪೆರಾಂಬ್ರಾ ಮೂಲದವರಾಗಿದ್ದು, ಈ ನಿಗೂಢ ವೈರಾಣು ಸೋಂಕಿಗೆ ಮತ್ತಿಬ್ಬರು ತುತ್ತಾಗಿರುವುದರ  ಬಗ್ಗೆ ಜಿಲ್ಲಾಡಳಿತದ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.  ಈ ಪೈಕಿ ಓರ್ವ ಈಗಾಗಲೇ 3 ಜನರು ಮೃತಪಟ್ಟಿರುವ ಕುಟುಂಬಕ್ಕೆ ಸೇರಿದವನಾಗಿದ್ದಾನೆ.  ಈತನ ಪರಿಸ್ಥಿತಿ ಗಂಭೀರವಾಗಿದ್ದು ಕೋಯಿಕ್ಕೋಡ್ ನ  ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ವಿಚಿತ್ರ ವೈರಾಣುವಿನ ಸೋಂಕು ಕಾಣಿಸಿಕೊಂಡಿರುವ ಹಿನ್ನೆಲೆಯಲ್ಲಿ ಕಂಟ್ರೋಲ್ ರೂಮ್ ನ್ನು ಸ್ಥಾಪಿಸಲಾಗಿದ್ದು ತುರ್ತು ಅಗತ್ಯವಿದ್ದಲ್ಲಿ (0495 2376063) ಈ ಸಂಖ್ಯೆಗೆ ಕರೆ ಮಾಡಬಹುದಾಗಿದೆ.