ಬಾವಲಿ ಹಾಗೂ ಜಾನುವಾರುಗಳಿಂದ ನಿಫಾ ಹರಡಲ್ಲ: ಕೇರಳ ಪಶುಸಂಗೋಪನೆ ಇಲಾಖೆ

ಕೋಝಿಕೋಡ್(ಕೇರಳ): ಕೇರಳದ ಪೆರಾಂಬ್ರಾದಲ್ಲಿ ಬಾವಲಿಗಳು ಹಾಗೂ ಇತರೆ ಜಾನುವಾರುಗಳಿಂದ ಸಂಗ್ರಹಿಸಲಾದ 21 ದೈಹಿಕ ದ್ರವ, ರಕ್ತ ಮಾದರಿಗಳಲ್ಲಿ ಪ್ರಾಣಾಂತಿಕ ನಿಫಾ ವೈರಾಣು ಕುರುಹುಗಳು ಪತ್ತೆಯಾಗಿಲ್ಲ ಎಂದು ಭೋಪಾಲ್ ನ .ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೈ ಸೆಕ್ಯುರಿಟಿ ಡಿಸೀಸಸ್ ನಡೆಸಿದ ಪರೀಕ್ಷೆಗಳಲ್ಲಿ ತಿಳಿದುಬಂದಿದೆ. 

ಎನ್ ಐಎಚ್ ಎಸ್ ಡಿ, ಭೋಪಾಲ್ ನ ವರದಿ ಶುಕ್ರವಾರ ಸಂಜೆ ವೇಳೆಗೆ ಪಶುಸಂಗೋಪನೆ ಇಲಾಖೆ ಅಧಿಕಾರಿಗಳ ಕೈಸೇರಿದೆ. ಪಶುಸಂಗೋಪನಾ ಇಲಾಖೆ ನಿರ್ದೇಶಕ ಡಾ. ಎನ್.ಎನ್. ಸಸಿ ಎಕ್ಸ್ ಪ್ರೆಸ್ ಜತೆ ಮಾತನಾಡಿ  " ಮೂರು ಬಾವಲಿಗಳು, ನಾಲ್ಕು ಆಡುಗಳು, ಐದು ಕಾಡುಕೋಣ, ಮತ್ತು ಎಂಟು ಹಂದಗಳಿಂದ ಮಾದರಿಗಳನ್ನು ಸಂಗ್ರಹಿಸಲಾಗಿತ್ತು. ಮತ್ತು ಎಲ್ಲಾ   ಋಣಾತ್ಮಕ ಫಲಿತಾಂಶ ಬಂದಿದೆ. ಬಾವಲಿಗಳ ದೇಹದ ದ್ರವ, ರಕ್ತದ ಮಾದರಿಯಲ್ಲಿ ಸಹ ವೈರಾಣು ಇರುವುದು ಪತ್ತೆಯಾಗಿಲ್ಲ " ಎಂದರು.

ಈ ವೈರಸ್ ಹರಡಲು ಕಾರಣವಾಗಿರುವುದು ಮೈಕ್ರೊಬ್ಯಾಟ್ (ಬಾವಲಿ ಕೀಟ) ಹೊರತು ಸಾಮಾನ್ಯ ಬಾವಲಿಯಲ್ಲ.ಎಂದು ಅವರು ದೃಢಪಡಿಸಿದ್ದಾರೆ

"ಶನಿವಾರ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ, ರಾಜ್ಯ ಅರಣ್ಯ ಇಲಾಖೆ ಹಾಗು ಪಶುಸಂಗೋಪನಾ ಇಲಾಖೆಗಳು ಜಂಟಿಯಾಗಿ ಬಾವಲಿಗಳು ಹಾಗೂ ಮತ್ತಿತರೆ ಪ್ರಾಣಿಗಳ ದೇಹದ ಮಾದರಿಗಳನ್ನು ಹೆಚ್ಚುವರಿ ಪರೀಕ್ಷೆಗಾಗಿ ಸಂಗ್ರಹಿಸಲಿದ್ದೇವೆ" ಸಸಿ ಹೇಳಿದ್ದಾರೆ.