ಪೆಟ್ರೋಲ್, ಡೀಸೆಲ್ ಬೆಲೆಯಲ್ಲಿ 1 ಪೈಸೆ ಕಡಿತ ಅರ್ಥಹೀನ: ವೀರಪ್ಪ ಮೊಯ್ಲಿ

ನವದೆಹಲಿ; ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ಕೇವಲ 1 ಪೈಸೆ ಕಡಿತ ಮಾಡಿರುವುವುದು ಅರ್ಥಹೀನವಾಗಿದ್ದು, ಕೇಂದ್ರ ಸರ್ಕಾರ ಕಠೋರವಾಗಿ ವರ್ತಿಸುತ್ತಿದೆ ಎಂದು ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಮಾಜಿ ಸಚಿವ ವೀರಪ್ಪ ಮೊಯ್ಲಿಯವರು ಗುರುವಾರ ಹೇಳಿದ್ದಾರೆ. 

ಈ ಕುರಿತಂತೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಅವರು, ಪೆಟ್ರೋಲ್ ದರದ ಮೇಲೆ ಕೇವಲ 1 ಪೈಸೆಯನ್ನು ಕೇಂದ್ರ ಸರ್ಕಾರ ಕಡಿತಗೊಳಿಸಿದ್ದು, ಜನರನ್ನು ಕೇಂದ್ರ ಅಪಹಾಸ್ಯ ಮಾಡುತ್ತಿದೆ. ಜನರ ಮೇಲೆ ಭಾರೀ ಅಬಕಾರಿ ಸುಂಕವನ್ನು ಹೇರುತ್ತಿದೆ. ನಮ್ಮ ಸರ್ಕಾರ ಈ ರೀತಿಯ ಎಂದಿಗೂ ನಡೆದುಕೊಂಡಿರಲಿಲ್ಲ ಎಂದು ಹೇಳಿದ್ದಾರೆ. 

ಕೇಂದ್ರದ ವರ್ತನೆ ತ್ರಾಸದಾಯಕವಾಗಿದ್ದು, ಜನರಿಗೆ ಭಾರೀ ಸಮಸ್ಯೆಯುಂಟಾಗುತ್ತಿದೆ. ಇಡೀ ಏಷಿಯಾದಲ್ಲಿಯೇ ಪೆಟ್ರೋಲ್ ಹಾಗೂ ಡೀಸೆಲ್ ದರಗಳು ಕಡಿಮೆಯಾಗುತ್ತಿರುವಾಗ ಭಾರತದಲ್ಲಿ ಮಾತ್ರ ಬೆಲೆ ಏರುತ್ತಲೇ ಇದೆ. ವ್ಯವಹಾರ ನಡೆಸುವ ಕ್ರೂರ ಮಾರ್ಗ ಇದಾಗಿದೆ ಎಂದು ತಿಳಿಸಿದ್ದಾರೆ.