ಕಪೂರಥಲಾ: ಅಸಹಾಯಕ ಯುವತಿಯೋರ್ವಳ ಮೇಲೆ ಒಂದೇ ರಾತ್ರಿ ಬಾಯ್ ಫ್ರೆಂಡ್ ಸೇರಿದಂತೆ 6 ಮಂದಿ ಹಾಗೂ 4 ಮಂದಿ ಸೇರಿದಂತೆ ಒಟ್ಟಾರೆ 10 ಮಂದಿ ಕಾಮಾಂಧರು ಪ್ರತ್ಯೇಕ ಸ್ಥಳಗಳಲ್ಲಿ ಎರಡು ಬಾರಿ ಗ್ಯಾಂಗ್ ರೇಪ್ ನಡೆಸಿರುವ ಹೀನ ಕೃತ್ಯ ಪಂಜಾಬಿನ ಕಪೂರಥಲಾ ಎಂಬಲ್ಲಿ ನಡೆದಿದೆ.
ಯುವತಿ ಮೇಲೆ ಮೊದಲ ಬಾರಿ ನಡೆದ ಸಾಮೂಹಿಕ ಅತ್ಯಾಚಾರ ಕೃತ್ಯದಲ್ಲಿ ಆಕೆಯ ಬಾಯ್ ಫ್ರೆಂಡ್ ಸೇರಿದಂತೆ 6 ಮಂದಿ ಶಾಮೀಲಾಗಿದ್ದರೆ. ಎರಡನೇ ಬಾರಿ ನಡೆದ ಅತ್ಯಾಚಾರದಲ್ಲಿ ನಾಲ್ವರು ಕಾಮಾಂಧರು ಸೇರಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಸಂತ್ರಸ್ತ ಯುವತಿ ಮಾದಕ ವ್ಯಸನಿಯಾಗಿರುವ ಕಾರಣ ಕಳೆದ ಐದು ತಿಂಗಳ ಹಿಂದೆ ಇಬ್ಬರು ಅಪರಿಚಿತ ಡ್ರಗ್ ಪೂರೈಕೆದಾರರ ಸ್ನೇಹ ಬೆಳೆಸಿದ್ದೆ. ಅವರು ಸಂಚು ರೂಪಿಸಿ ನನ್ನ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ 24 ವರ್ಷದ ಜಲಂದರ್ ಮೂಲದ ಯುವತಿ ಆರೋಪಿಸಿದ್ದಾಳೆ.
ಅದೇ ದಿನ ತನ್ನ ಮೇಲೆ ನಡೆದ ಸಾಮೂಹಿಕ ಅತ್ಯಾಚರದ ಕುರಿತು ಪರಿಚಯಸ್ಥರೊಬ್ಬರ ಬಳಿ ಹೇಳಿಕೊಂಡೆ. ಆತ ಪೊಲೀಸರಿಗೆ ದೂರು ನೀಡೋಣ ಅಂತ ನನ್ನನ್ನು ಪುಸಲಾಯಿಸಿ ಬೇರೊಂದು ಸ್ಥಳಕ್ಕೆ ಕರೆದೊಯ್ದು ಮೂವರು ಸ್ನೇಹಿತರ ಜತೆ ಸೇರಿ ತನ್ನ ಮೇಲೆ ಸಾಮೂಹಿಕ ಅತ್ಯಾಚಾರ ಎಸಗಿದರು ಎಂದು ಯುವತಿ ಹೇಳಿಕೊಂಡಿದ್ದಾಳೆ.