ನವದೆಹಲಿ: 2017- 18ನೇ ಹಣಕಾಸು ವರ್ಷದ ಆರ್ಥಿಕ ವೃದ್ದಿ ದರವನ್ನು ಕೇಂದ್ರ ಸರ್ಕಾರ ಇಂದು ಪರಿಷ್ಕರಿಸಿದ್ದು, ಶೇ. 6.7 ರಿಂದ ಶೇ. 7.2ಕ್ಕೆ ಏರಿಕೆ ಮಾಡಿದೆ.
2011-12ರ ಸ್ಥಿರ ಬೆಲೆ ಆಧರಿಸಿದ 2017-18 ಮತ್ತು 2016-17 ನೇ ಹಣಕಾಸು ವರ್ಷಗಳ ನೈಜ ಒಟ್ಟು ದೇಶಿಯ ಉತ್ಪನ್ನ (ಜೆಡಿಪಿ) ಬೆಳವಣಿಗೆ ದರವು, ಕ್ರಮವಾಗಿ 131. 80 ಲಕ್ಷ ಕೋಟಿ ರೂ. ಹಾಗೂ 122.98 ಲಕ್ಷ ಕೋಟಿ ಆಗಿದೆ. ಹೀಗಾಗಿ ಈ ಎರಡೂ ಹಣಕಾಸು ವರ್ಷಗಳಲ್ಲಿನ ವೃದ್ಧಿ ದರವು ಕ್ರಮವಾಗಿ ಶೇ, 7.2 ಹಾಗೂ ಶೇ, 8. 2 ರಷ್ಟು ದಾಖಲಾಗಿದೆ ಎಂದು ಕೇಂದ್ರ ಸಾಂಖ್ಯಿಕ ಕಚೇರಿ (ಸಿಎಸ್ ಒ) ತಿಳಿಸಿದೆ.
ಈ ಹಿಂದೆ ಕೇಂದ್ರ ಸಾಂಖ್ಯಿಕ ಕಚೇರಿಯು 2018-19 ನೇ ಸಾಲಿನ ಜೆಡಿಪಿ ಬೆಳವಣಿಗೆ ದರವು ಶೇ, 7.2 ರಷ್ಟು ಇರಲಿದೆ ಎಂದು ಹೇಳಿತ್ತು.
2017-18ರ ಮೊದಲ ಪರಿಷ್ಕೃತ ಅಂದಾಜುಗಳು 2017 ರ ಮೇ 31 ರಂದು ಬಿಡುಗಡೆಯಾದ ತಾತ್ಕಾಲಿಕ ಅಂದಾಜುಗಳ ಸಮಯದಲ್ಲಿ ಬೆಂಚ್ಮಾರ್ಕ್-ಸೂಚಕ ವಿಧಾನವನ್ನು ಬಳಸುವ ಬದಲು ಉದ್ಯಮ, ಸಂಸ್ಥೆ-ಆಧಾರಿತ ವಿವರವಾದ ಮಾಹಿತಿಯನ್ನು ಬಳಸಿಕೊಂಡು ಸಂಕಲಿಸಲಾಗಿದೆ ಎಂದು ಕೇಂದ್ರ ಸಾಂಖ್ಯಿಕ ಕಚೇರಿ ತಿಳಿಸಿದೆ.
2016-17 ನೇ ಸಾಲಿನ ಉಳಿತಾಯ ಮತ್ತು ಬಂಡವಾಳ ರಚನೆ, ಬಳಕೆ ವೆಚ್ಚ, ರಾಷ್ಟ್ರೀಯ ಆದಾಯದ ಎರಡನೇ ಪರಿಷ್ಕೃತ ಅಂದಾಜುಗಳನ್ನು ಸಹ ಸಿಎಸ್ ಓ ಬಿಡುಗಡೆ ಮಾಡಿದೆ.
2017-18ರ ಅವಧಿಯಲ್ಲಿನ ಪ್ರಾಥಮಿಕ , ದ್ವೀತಿಯ ಹಾಗೂ ತೃತೀಯ ಸೇವೆಗಳ ಅಭಿವೃದ್ದಿ ದರದ ಅಂದಾಜು ಕ್ರಮವಾಗಿ ಶೇ, 5, ಶೇ. 6 ಮತ್ತು ಶೇ, 8.1 ರಷ್ಟಿದೆ. ಹಿಂದಿನ ವರ್ಷದಲ್ಲಿ ಪ್ರಾಥಮಿಕ ವಲಯದ ಆರ್ಥಿಕ ಬೆಳವಣಿಗೆ ದರ ಶೇ, 6.8 ರಷ್ಟಿದ್ದರೆ ದ್ವೀತಿಯ ಕ್ಷೇತ್ರಗಳ ಬೆಳವಣಿಗೆ ದರ ಶೇ, 7.5 ಹಾಗೂ ತೃತೀಯ ವಲಯದ ವೃದ್ಧಿ ದರ ಶೇ. 8.4 ರಷ್ಟಿತ್ತು.
Advertisement