ನವದೆಹಲಿ: ನೂತನ ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಯಾಗಿದ್ದ ಎಂಡಿಎಂಕೆ ಸಂಸ್ಥಾಪಕ ವೈಕೋ ಹಾಗೂ ಇತರೆ ನಾಲ್ವರು ಗುರುವಾರ ಮೇಲ್ಮನೆ ಸದಸ್ಯರಾಗಿ ಪ್ರಮಾಣವಚನ ಸ್ವೀಕರಿಸಿದರು.
ವೈಕೋ, ಪಿಎಂಕೆ ನಾಯಕ ಅನ್ಬುಮಣಿ ರಾಮದಾಸ್, ಎಐಎಡಿಎಂಕೆಯ ಇಬ್ಬರು ಹಾಗೂ ಡಿಎಂಕೆಯ ಇಬ್ಬರು ಸದಸ್ಯರು ಇತ್ತೀಚಿಗೆ ತಮಿಳುನಾಡಿನಿಂದ ರಾಜ್ಯಸಭೆ ಆಯ್ಕೆಯಾಗಿದ್ದರು.
ತಮಿಳುನಾಡಿನ ಆರು ನೂತನ ಸದಸ್ಯರ ಪೈಕಿ ಐವರಿಗೆ ರಾಜ್ಯಸಭಾ ಅಧ್ಯಕ್ಷೆ ಎಂ ವೆಂಕಯ್ಯ ನಾಯ್ಡು ಅವರು ಇಂದು ಪ್ರಮಾಣವಚನ ಬೋಧಿಸಿದರು. ರಾಮದಾಸ್ ಅವರು ಇಂದು ಪ್ರಮಾಣವಚನ ಸ್ವೀಕರಿಸಲಿಲ್ಲ.
ಆರು ನೂತನ ಸದಸ್ಯರ ಆಯ್ಕೆಯ ನಂತರ ರಾಜ್ಯಸಭೆಯಲ್ಲಿ ಎಐಎಡಿಎಂಕೆಯ 10ಕ್ಕೆ ಹಾಗೂ ಡಿಎಂಕೆ ಐವರು ಸದಸ್ಯರನ್ನು ಹೊಂದಿದೆ. ಎಂಡಿಎಂಕೆ ಹಾಗೂ ಪಿಎಂಕೆ ರಾಜ್ಯಸಭೆಯಲ್ಲಿ ತಲಾ ಒಂದು ಸದಸ್ಯರನ್ನು ಹೊಂದಿದೆ.