ತಬ್ಲೀಘಿ ಜಮಾತ್‌‌ನಲ್ಲಿ 41 ದೇಶಗಳ 960 ವಿದೇಶಿಗರು ಭಾಗಿ, ದೇಶಾದ್ಯಂತ ಕಟ್ಟೆಚ್ಚರ!

ನವದೆಹಲಿ: ಸದ್ಯ ದೇಶವನ್ನು ತಬ್ಲೀಘಿ ಜಮಾತ್ ಮತ್ತಷ್ಟು ಕೆಂಗೆಟ್ಟಿಸಿದ್ದು ದೆಹಲಿಯ ನಿಜಾಮುದ್ದೀನ್ ಧಾರ್ಮಿಕ ಕಾರ್ಯಕ್ರಮದಲ್ಲಿ ವಿಶ್ವದ 41 ದೇಶಗಳಿಂದ 960 ಮಂದಿ ಭಾಗವಹಿಸಿರುವ ಪಟ್ಟಿಯನ್ನು ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿದೆ. 

ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಇಂಡೋನೇಷಿಯಾದಿಂದ (379) ಅತೀ ಹೆಚ್ಚು ಜನರು ಭಾಗವಹಿಸಿದ್ದರು. ಇನ್ನು ಬಾಂಗ್ಲಾದೇಶದಿಂದ 110, ಕಿರ್ಗಿಸ್ತಾನ(77), ಮಲೇಶಿಯಾ(75), ಥೈಲ್ಯಾಂಡ್(65), ಮಯನ್ಮಾರ್(63), ಶ್ರೀಲಂಕಾ(33), ಇರಾನ್(24), ಕಜಕಿಸ್ತಾನ(14), ವಿಯೆಟ್ನಾಂ(12) ಮತ್ತು ಫಿಲಿಫೈನ್ಸ್ ನಿಂದ 10 ಮಂದಿ ಭಾಗವಹಿಸಿದ್ದರು. 

ಇದರ ಜೊತೆಗೆ ಇನ್ನು ಹಲವು ರಾಷ್ಟ್ರಗಳಿಂದ ನೂರಾರು ಮಂದಿ ಭಾಗವಹಿಸಿದ್ದರು. ಸದ್ಯ ಭಾರತದಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ 2300ಕ್ಕೇರಿದ್ದು ಸಾವಿನ ಸಂಖ್ಯೆ 56ಕ್ಕೇರಿದೆ.