ದೂರದರ್ಶನದಲ್ಲಿ ಮಹಾಭಾರತ, ರಾಮಾಯಣ ದಾರಾವಾಹಿಗಳ ಮರುಪ್ರಸಾರವಾಗುತ್ತಿದೆ, ಈ ಬೆನ್ನಲ್ಲೇ ದಶಕಗಳ ಹಿಂದಿನ ಮತ್ತೊಂದು ಜನಪ್ರಿಯ ಧಾರಾವಾಹಿ ಮರುಪ್ರಸಾರವಾಗಲಿದೆ.
ಹಿರಿಯ ನಟ ಮುಖೇಶ್ ಖನ್ನಾ ನಟಿಸಿರುವ ಶಕ್ತಿಮಾನ್ ಧಾರಾವಾಹಿ ಮರುಪ್ರಸಾರವಾಗಲಿದೆ. ಸ್ವತಃ ಮುಖೇಶ್ ಖನ್ನಾ ಈ ಬಗ್ಗೆ ಮಾಹಿತಿ ನೀಡಿ ಟ್ವೀಟರ್ ನಲ್ಲಿ ಹೇಳಿದ್ದಾರೆ.
ರಾಮಾಯಣ, ಮಹಾಭಾರತದ ಜೊತೆ ಶಾರೂಖ್ ಖಾನ್ ನಟನೆಯ ಸರ್ಕಸ್ ಕೂಡ ದೂರದರ್ಶನದಲ್ಲಿ ಮರುಪ್ರಸಾರವಾಗಲಿದೆ. ರಾಮಾಯಣ, ಮಹಾಭಾರತ ಒಂದೇ ದಿನ ನೋಡುವುದಕ್ಕೆ ಸಾಧ್ಯವಾಗುವುದು ಲಾಕ್ ಡೌನ್ ನಲ್ಲಿರುವ 135 ಕೋಟಿ ಭಾರತೀಯರಿಗೆ ಅತ್ಯಂತ ಸಂತಸದ ವಿಷಯ, ಇದರ ಜೊತೆಗೆ ಮತ್ತೊಂದು ಸಂತಸದ ಸುದ್ದಿಯೆಂದರೆ ಅದು ಶಕ್ತಿಮಾನ್ ಕೂಡ ಶೀಘ್ರವೇ ಮರುಪ್ರಸಾರವಾಗಲಿದೆ ಎಂದು ವಿಡಿಯೋ ಸಂದೇಶದಲ್ಲಿ ಮುಖೇಶ್ ಖನ್ನಾ ಹೇಳಿದ್ದಾರೆ. ಆದರೆ ದಿನಾಂಕ ಮತ್ತು ಹೆಚ್ಚಿನ ವಿವರಗಳನ್ನು ಹಂಚಿಕೊಂಡಿಲ್ಲ. 1990 ರ ದಶಕದಲ್ಲಿ ಶಕ್ತಿಮಾನ್ ಜನಪ್ರಿಯ ಧಾರಾವಾಹಿಯಾಗಿತ್ತು.
