ಪಂಜಾಬ್: ಅಮೃತಸರದ ರಾನಿಯಾದಲ್ಲಿ ಡ್ರೋನ್ ಹೊಡೆದುರುಳಿಸಿದ ಬಿಎಸ್ ಎಫ್

ರಾನಿಯಾ: ಭಾರತದ ಗಡಿಯೊಳಗೆ ನುಸುಳಲು ಪ್ರಯತ್ನಿಸುತ್ತಿದ್ದ ಡ್ರೋನ್ ಒಂದನ್ನು ಭಾರತೀಯ ಗಡಿ ಭದ್ರತಾ ಪಡೆ ಹೊಡೆದುರುಳಿಸಿದೆ.

ಅಮೃತಸರದಲ್ಲಿ ರಾನಿಯಾ ಬಾರ್ಡರ್ ಔಟ್ ಪೋಸ್ಟ್ ನಲ್ಲಿ ಭಾನುವಾರ ರಾತ್ರಿ 9-30ರ ಸುಮಾರಿನಲ್ಲಿ ಡ್ರೋನ್ ಹೊಡೆದುರುಳಿಸುವ ಮೂಲಕ ಗಡಿಯೊಳಗೆ ನುಸುಳುವ ಪ್ರಯತ್ನವನ್ನು ಬಿಎಸ್ ಎಫ್ ನ 22ನೇ ಬೆಟಾಲಿಯನ್ ವಿಫಲಗೊಳಿಸಿದೆ.

ಅಂದಾಜು 12 ಕೆಜಿ ತೂಕದ ಡ್ರೋನ್ ನಲ್ಲಿ ಒಂದು ಸರಕು ಕೂಡಾ ಪತ್ತೆಯಾಗಿದೆ. ಹೆಚ್ಚಿನ ವಿವರ ತಿಳಿದುಬರಬೇಕಾಗಿದೆ ಎಂದು ಬಿಎಸ್ ಎಫ್ ತಿಳಿಸಿದೆ.