ನವದೆಹಲಿ: ಕೋವಿಡ್-19 ಚಿಕಿತ್ಸೆಯಲ್ಲಿ ಮಹತ್ವದ ಹೆಜ್ಜೆಯನ್ನಿಟ್ಟಿರುವ ಭಾರತ ಇದೀಗ ಕೊರೋನಾ ಸೋಂಕು ಚಿಕಿತ್ಸೆ ಬಳಕೆ ಮಾಡುವ ಪ್ಯಾಕ್ಸ್ಲೋವಿಡ್ ಮಾತ್ರೆ ಬಿಡುಗಡೆ ಮಾಡಿದೆ.
ಹೌದು.. ಕೋವಿಡ್ ವಿರುದ್ಧ ರಕ್ಷಣೆಗಾಗಿ ಕೇಂದ್ರ ಸರ್ಕಾರ ಕೋವ್ಯಾಕ್ಸಿನ್, ಕೋವಿಶೀಲ್ಡ್, ಕಾರ್ಬೊವ್ಯಾಕ್ಸ್ ಲಸಿಕೆಗಳಿಗೆ ಅನುಮತಿ ನೀಡಿದೆ. ಈ ಮಧ್ಯೆ ಕೊರೋನಾ ಸೋಂಕಿನ ಚಿಕಿತ್ಸೆಗಾಗಿ ‘ಪ್ಯಾಕ್ಸ್ಲೋವಿಡ್’ಎಂಬ ಹೊಸ ಮಾತ್ರೆ ಕೂಡ ಬಿಡುಗಡೆಯಾಗಿದೆ.
ಕೋವಿಡ್ -19ರ ಸೌಮ್ಯ ಮತ್ತು ಮಧ್ಯಮ ರೋಗಲಕ್ಷಣಗಳನ್ನ ಹೊಂದಿರುವ ರೋಗಿಗಳಿಗೆ ಚಿಕಿತ್ಸಾ ಆಯ್ಕೆಯಾಗಿ ಪ್ಯಾಕ್‌ನಲ್ಲಿ ಪ್ಯಾಕ್ಸ್ಲೋವಿಡ್ (ನಿರ್ಮಾಟ್ರೆಲ್ವಿರ್ ಮತ್ತು ರಿಟೋನಾವಿರ್) ಮಾತ್ರೆಗಳನ್ನು ತಯಾರಿಸಲು ಮತ್ತು ಮಾರಾಟ ಮಾಡಲು ಕಳೆದ ತಿಂಗಳು ಕಂಪನಿಯು ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಷನ್ (CDSCO) ನಿಂದ ಅನುಮೋದನೆ ಪಡೆದಿದೆ ಎಂದು ಔಷಧ ತಯಾರಕ ಜೆನಾರಾ ಫಾರ್ಮಾಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
‘ಪ್ಯಾಕ್ಸೆನ್’ ಎಂಬ ಬ್ರಾಂಡ್ ಹೆಸರಿನಲ್ಲಿ ಮಾರಾಟ
ಈ ಉತ್ಪನ್ನವನ್ನು ‘ಪ್ಯಾಕ್ಸೆನ್’ ಎಂಬ ಬ್ರಾಂಡ್ ಹೆಸರಿನಲ್ಲಿ ಮಾರಾಟ ಮಾಡಲಾಗುವುದು ಮತ್ತು ಜೆನಾರಾದ ಯುಎಸ್ ಎಫ್ ಡಿಎ ಮತ್ತು ಇಯು ಅನುಮೋದಿತ ಹೈದರಾಬಾದ್‌ನಲ್ಲಿ ಅತ್ಯಾಧುನಿಕ ಸೌಲಭ್ಯದಲ್ಲಿ ತಯಾರಿಸಲಾಗುತ್ತಿದೆ ಎಂದು ಪ್ರಕಟಣೆ ತಿಳಿಸಿದೆ. ಜೆನಾರಾ ಫಾರ್ಮಾ ನಗರ ಮೂಲದ ಬಯೋಫೋರ್ ಇಂಡಿಯಾ ಫಾರ್ಮಾಸ್ಯುಟಿಕಲ್ಸ್‌ನ ಅಂಗಸಂಸ್ಥೆಯಾಗಿದೆ. ಕೋವಿಡ್ ಚಿಕಿತ್ಸೆಗಾಗಿ ಫೈಜರ್ನ ಪ್ಯಾಕ್ಸ್ಲೋವಿಡ್‌ನ್ನು ಯುಎಸ್ ಎಫ್ ಡಿಎ ಅನುಮೋದಿಸಿದೆ.
ಈ ಕುರಿತು ಮಾತನಾಡಿರುವ ಝೆನಾರಾ ಫಾರ್ಮಾದ ಸಹ-ಸಂಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಜಗದೀಶ್ ಬಾಬು ರಂಗಿಸೆಟ್ಟಿ, 'ನಮ್ಮ ದೇಶದ ರೋಗಿಗಳಿಗೆ ಕೋವಿಡ್ ವಿರುದ್ಧ ಅತ್ಯುತ್ತಮ ಚಿಕಿತ್ಸಾ ಆಯ್ಕೆಗಳನ್ನು ತಲುಪಿಸುವ ಉದ್ದೇಶದಿಂದ ನಾವು ಈ ಉತ್ಪನ್ನವನ್ನು ಭಾರತದಲ್ಲಿ ಬಿಡುಗಡೆ ಮಾಡಿದ್ದೇವೆ. ನಮ್ಮ ಉತ್ಪನ್ನವಾದ ಪ್ಯಾಕ್ಸೆನ್, ಬಯೋ ಈಕ್ವೆಲೆನ್ಸ್ ಅಧ್ಯಯನದ ಮೂಲಕ ಪ್ಯಾಕ್ಸ್ಲೋವಿಡ್ಗೆ ಸಮಾನವಾಗಿದೆ ಎಂದು ಸಾಬೀತಾಗಿದೆ, ಅದರ ಆಧಾರದ ಮೇಲೆ ನಾವು ನಿಯಂತ್ರಕ ಪ್ರಾಧಿಕಾರಗಳಿಂದ ಅನುಮೋದನೆಯನ್ನು ಪಡೆದಿದ್ದೇವೆ ಎಂದು ಹೇಳಿದ್ದಾರೆ.
ಮಾತ್ರೆ ಸೇವನೆಯಿಂದ ಸಾವಿನ ಅಪಾಯ ಕಡಿಮೆ
ಪ್ಯಾಕ್ಸ್ಲೋವಿಡ್ ಮಾತ್ರೆ ಸೇವನೆಯಿಂದ ಕೋವಿಡ್ ನಿಂದಾಗುವ ಸಾವಿನ ಅಪಾಯ ಕಡಿಮೆ ಎಂಬುದು ಪರೀಕ್ಷೆಗಳ ಮೂಲಕ ದೃಢಪಟ್ಟಿದೆ. ಭಾರತದಲ್ಲಿ ಪ್ಯಾಕ್ಸ್‌ಲೋವಿಡ್‌ನ ಪರಿಚಯವು ಕೋವಿಡ್ 19 ಡ್ರಗ್ಸ್ ಆರ್ಸೆನಲ್‌ಗೆ ಸ್ವಾಗತಾರ್ಹ ಸೇರ್ಪಡೆಯಾಗಿದೆ. ಕೋವಿಡ್ 19 ರ ಆರಂಭಿಕ ಹಂತಗಳಲ್ಲಿ ಆಸ್ಪತ್ರೆಗೆ ದಾಖಲಾಗದ ರೋಗಿಗಳಲ್ಲಿ ಆಸ್ಪತ್ರೆಗೆ ದಾಖಲಾಗುವ ಅಥವಾ ಸಾವಿನ ಅಪಾಯವನ್ನು ಶೇಕಡಾ 89 ರಷ್ಟು ಕಡಿಮೆ ಮಾಡಲು ಇದು ಪ್ರಬಲ ಏಜೆಂಟ್ ಎಂದು ಅಧ್ಯಯನಗಳು ತೋರಿಸಿವೆ. ಕೋವಿಡ್ 19 ಸೋಂಕನ್ನು ಎದುರಿಸಲು ಈಗ ಲಭ್ಯವಿರುವ ಅತ್ಯಂತ ಶಕ್ತಿಶಾಲಿ ಮೌಖಿಕ ಚಿಕಿತ್ಸೆಗಳಲ್ಲಿ ಇದೂ ಒಂದಾಗಿದೆ ಎಂದು ಗುರುಗ್ರಾಮ್‌ನ ಫೋರ್ಟಿಸ್ ಮೆಮೋರಿಯಲ್ ರಿಸರ್ಚ್ ಇನ್‌ಸ್ಟಿಟ್ಯೂಟ್‌ನ ನರವಿಜ್ಞಾನ ವಿಭಾಗದ ಪ್ರಧಾನ ನಿರ್ದೇಶಕ ಮತ್ತು ಮುಖ್ಯಸ್ಥ ಪ್ರವೀಣ್ ಗುಪ್ತಾ ಹೇಳಿದರು.
ಸ್ಪರ್ಧಾತ್ಮಕ ಬೆಲೆ
ಭಾರತದಲ್ಲಿನ ಬೆಲೆಯು ಸ್ಪರ್ಧಾತ್ಮಕವಾಗಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ, ಆದರೆ ಹೆಟೆರೊ ತಮ್ಮ ಆವೃತ್ತಿಯ ಫಿಜರ್‌ನ ಮೌಖಿಕ ಔಷಧದ ಬೆಲೆಯನ್ನು ಬಹಿರಂಗಪಡಿಸಿಲ್ಲ. ಮಾರ್ಚ್‌ನಲ್ಲಿ, ಮೆಡಿಸಿನ್ಸ್ ಪೇಟೆಂಟ್ ಪೂಲ್ (MPP) ಫೈಜರ್ನ ಮೌಖಿಕ COVID-19 ಚಿಕಿತ್ಸೆಯ ನಿರ್ಮಾತ್ರೆಲ್ವಿರ್‌ನ ಜೆನೆರಿಕ್ ಆವೃತ್ತಿಯನ್ನು ತಯಾರಿಸಲು 35 ಜೆನೆರಿಕ್ ಔಷಧ ತಯಾರಕರೊಂದಿಗೆ ಪರವಾನಗಿ ಒಪ್ಪಂದಕ್ಕೆ ಸಹಿ ಹಾಕಿದೆ. ಇದು ಕಡಿಮೆ ಪ್ರಮಾಣದ ರಿಟೊನಾವಿರ್‌ನೊಂದಿಗೆ 95 ಕಡಿಮೆ ಪ್ರಮಾಣದಲ್ಲಿ ಮಧ್ಯಮ-ಆದಾಯದ ದೇಶಗಳು ಸರಬರಾಜು ಮಾಡಬಹುದಾಗಿದೆ.
ಇದರಲ್ಲಿ ಟೊರೆಂಟ್ ಫಾರ್ಮಾ, ಕ್ಯಾಡಿಲಾ ಫಾರ್ಮಾ, ಹೆಟೆರೊ, ಬಯೋಕಾನ್, ಸ್ಟ್ರೈಡ್ಸ್, ಗ್ಲೆನ್‌ಮಾರ್ಕ್, ಗ್ರ್ಯಾನ್ಯೂಲ್ಸ್, ಮ್ಯಾಕ್ಲಿಯೋಡ್ಸ್, ಸನ್ ಫಾರ್ಮಾ ಮತ್ತು ಸಿಪ್ಲಾ ಸೇರಿದಂತೆ 19 ಸಂಸ್ಥೆಗಳು ಭಾರತೀಯವಾಗಿವೆ. ಇತರ ಕಂಪನಿಗಳು ಸಹ ಭಾರತದಲ್ಲಿ ಕೋವಿಡ್ ಔಷಧವನ್ನು ಪ್ರಾರಂಭಿಸಲು DCGI ಯಿಂದ ಅಗತ್ಯ ಅನುಮೋದನೆಗಳನ್ನು ಪಡೆಯುವ ಪ್ರಕ್ರಿಯೆಯಲ್ಲಿವೆ ಎನ್ನಲಾಗಿದೆ.
Advertisement