ನವದೆಹಲಿ: ದೇಶದಲ್ಲಿ ಕೊರೋನಾ ಪಾಸಿಟಿವ್ ಪ್ರಕರಣ ಕಳೆದ 24 ಗಂಟೆಗಳಲ್ಲಿ ಮತ್ತಷ್ಟು ಏರಿಕೆಯಾಗಿದೆ. 21,411 ಹೊಸ ಪ್ರಕರಣಗಳು ವರದಿಯಾಗಿದ್ದು 20 ಸಾವಿರದ 726 ಮಂದಿ ಗುಣಮುಖರಾಗಿದ್ದಾರೆ. ಇನ್ನು ಒಂದೇ ದಿನ 67 ಮಂದಿ ಮೃತಪಟ್ಟಿದ್ದಾರೆ.
ದೇಶದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ ಈಗ ಮತ್ತಷ್ಟು ಏರಿಕೆಯಾಗಿದ್ದು 1,50,100 ಸೋಂಕಿತರಿದ್ದಾರೆ. ದಿನಂಪ್ರತಿ ಪಾಸಿಟಿವ್ ಹೊಂದಿರುವವರ ಸಂಖ್ಯೆ ಶೇಕಡಾ 4.46ರಷ್ಟಾಗಿದೆ. ಇದುವರೆಗೆ ಸೋಂಕಿನಿಂದ 4 ಕೋಟಿಯ 31 ಲಕ್ಷದ 92 ಸಾವಿರದ 379 ಮಂದಿ ಗುಣಮುಖರಾಗಿದ್ದರೆ 5 ಲಕ್ಷದ 25 ಸಾವಿರದ 997 ಮಂದಿ ಮೃತಪಟ್ಟಿದ್ದಾರೆ.
201.68 ಕೋಟಿ ಡೋಸ್ ಲಸಿಕೆಗಳನ್ನು ಇದುವರೆಗೆ ಕೋವಿಡ್ ಲಸಿಕೆ ಅಭಿಯಾನದಡಿ ನೀಡಲಾಗಿದ್ದು ಕಳೆದ 24 ಗಂಟೆಗಳಲ್ಲಿ 34 ಲಕ್ಷದ 93 ಸಾವಿರದ 209 ಮಂದಿಗೆ ನೀಡಲಾಗಿದೆ. 87.21 ಕೋಟಿ ಒಟ್ಟು ಪರೀಕ್ಷೆಗಳನ್ನು ಇದುವರೆಗೆ ಮಾಡಲಾಗಿದ್ದು, ಕಳೆದ ಒಂದು ದಿನದಲ್ಲಿ 4,80,202 ಮಂದಿಯನ್ನು ಪರೀಕ್ಷೆಗೊಳಪಡಿಸಲಾಗಿದೆ.
Advertisement