ರಾಜಸ್ಥಾನ ಚುನಾವಣೆ: ಕಾಂಗ್ರೆಸ್ ಅಭ್ಯರ್ಥಿಗಳ ಮೂರನೇ ಪಟ್ಟಿ ಬಿಡುಗಡೆ

ಜೈಪುರ: ನವೆಂಬರ್ 25 ರಂದು ನಡೆಯಲಿರುವ ರಾಜಸ್ಥಾನ ವಿಧಾನಸಭೆ ಚುನಾವಣೆಗೆ ಕಾಂಗ್ರೆಸ್ ತನ್ನ 19 ಅಭ್ಯರ್ಥಿಗಳ ಮೂರನೇ ಪಟ್ಟಿಯನ್ನು ಗುರುವಾರ ಬಿಡುಗಡೆ ಮಾಡಿದೆ.

ಕಾಂಗ್ರೆಸ್ ಇದುವರೆಗೆ ಒಟ್ಟು 95 ಅಭ್ಯರ್ಥಿಗಳನ್ನು ಘೋಷಿಸಿದ್ದು, ಈ ಪಟ್ಟಿಯಲ್ಲಿ ಸಂಪುಟ ಸಚಿವರು ಸೇರಿದಂತೆ 13 ಹಾಲಿ ಶಾಸಕರಿಗೆ ಟಿಕೆಟ್ ನೀಡಲಾಗಿದೆ.

ಇದನ್ನು ಓದಿ: ರಾಜಸ್ಥಾನ ಚುನಾವಣೆ: ಕಳೆದ 15 ದಿನಗಳಲ್ಲಿ 244 ಕೋಟಿ ರೂ. ಹಣ ವಶ​

ಧೋಲ್‌ಪುರದಿಂದ ಶೋಭಾ ರಾಣಿ ಕುಶ್ವಾ, ಸಿಕರ್‌ನಿಂದ ರಾಜೇಂದ್ರ ಪ್ರತೀಕ್, ನಗರ್ ನಿಂದ ವಾಜಿಬ್ ಅಲಿ, ಡಿಯೋಲಿ-ಉನಿಯಾರಾದಿಂದ ಹರೀಶ್ ಚಂದ್ರ ಮೀನಾ, ಜಲೋದ್(ಎಸ್‌ಟಿ)ನಿಂದ ಹೀರಾ ಲಾಲ್ ದಾರಂಗಿ ಮತ್ತು ಕರೌಲಿಯಿಂದ ಲಖನ್ ಸಿಂಗ್ ಮೀನಾ ಅವರನ್ನು ಕಾಂಗ್ರೆಸ್ ಕಣಕ್ಕಿಳಿಸಿದೆ.

2018ರ ವಿಧಾನಸಭಾ ಚುನಾವಣೆಯಲ್ಲಿ ಬಿಎಸ್ಪಿ ಚಿಹ್ನೆಯ ಮೇಲೆ ಆಯ್ಕೆಯಾಗಿದ್ದ ವಾಜಿಬ್ ಅಲಿ ಮತ್ತು ಲಖನ್ ಸಿಂಗ್ ಮೀನಾ ಅವರು ಈ ಬಾರಿ ಕಾಂಗ್ರೆಸ್ ಸೇರಿದ್ದು, ಆಡಳಿತ ಪಕ್ಷದಿಂದ ಕಣಕ್ಕಿಳಿದಿದ್ದಾರೆ.

ಸಪೋತ್ರದಿಂದ ಗ್ರಾಮೀಣ ಮತ್ತು ಪಂಚಾಯತ್ ರಾಜ್ ಸಚಿವ ರಮೇಶ್ ಚಂದ್ ಮೀನಾ ಮತ್ತು ಗಂಗಾಪುರದಿಂದ ಪಕ್ಷೇತರ ಶಾಸಕ ರಾಮಕೇಶ್ ಮೀನಾ ಅವರನ್ನು ಕಣಕ್ಕಿಳಿಸಿದೆ.