'ಟ್ರಂಪ್' ಆರ್ಥಿಕತೆಯಲ್ಲಿ ವಿಪರೀತ ರಾಜಕೀಯ: ಎಸ್ ಜೈಶಂಕರ್ ಕಿಡಿ!

ಅಮೆರಿಕ ವ್ಯವಹರಿಸುವ ರಾಷ್ಟ್ರಗಳಿಗೆ ಒಂದಾದ ನಂತರ ಒಂದರಂತೆ ಹೊಸ ನಿಯಮಗಳನ್ನು ಹಾಕುತ್ತಿದೆ ಎಂದು ಅವರು ಟೀಕಾ ಪ್ರಹಾರ ನಡೆಸಿದ್ದಾರೆ.
Jaishankar, trump Casual Images
ಎಸ್ ಜೈಶಂಕರ್, ಡೊನಾಲ್ಡ್ ಟ್ರಂಪ್
Updated on

ಕೋಲ್ಕತ್ತಾ: ಸದ್ಯದ ಯುಗದಲ್ಲಿ ಟ್ರಂಪ್ ಅವರ ಆರ್ಥಿಕತೆಯಲ್ಲಿ ರಾಜಕೀಯ ಹೆಚ್ಚಾಗುತ್ತಿದೆ. ಅನಿಶ್ಚಿತ ಜಗತ್ತಿನಲ್ಲಿ ದೇಶವು ತನ್ನ ಅಗತ್ಯಗಳನ್ನು ಖಚಿತಪಡಿಸಿಕೊಳ್ಳಲು ಪೂರೈಕೆ ಮೂಲಗಳನ್ನು ನಿರಂತರವಾಗಿ ವೈವಿಧ್ಯಗೊಳಿಸುವುದು ಮುಖ್ಯವಾಗಿದೆ ಎಂದು ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಹೇಳಿದ್ದಾರೆ.

"ಅಮೆರಿಕ ವ್ಯವಹರಿಸುವ ರಾಷ್ಟ್ರಗಳಿಗೆ ಒಂದಾದ ನಂತರ ಒಂದರಂತೆ ಹೊಸ ನಿಯಮಗಳನ್ನು ಹಾಕುತ್ತಿದೆ" ಎಂದು ಅವರು ಟೀಕಾ ಪ್ರಹಾರ ನಡೆಸಿದ್ದಾರೆ.

ಕೊಲ್ಕತ್ತಾದ ಐಐಎಂನಿಂದ ಗೌರವ ಡಾಕ್ಟರೇಟ್ ಪಡೆದ ನಂತರ ಮಾತನಾಡಿದ ಜೈಶಂಕರ್, ಭಾರತ ಸ್ವಾವಲಂಬನೆಯ ಹಾದಿಯಲ್ಲಿದೆ. ಕೈಗಾರಿಕೆಗಳಿಗೆ ತನ್ನನ್ನು ಉತ್ಪಾದನಾ ನೆಲೆಯನ್ನಾಗಿ ಮಾಡಿಕೊಳ್ಳುತ್ತಿದೆ ಎಂದು ಅವರು ಹೇಳಿದರು.

'ಟ್ರಂಪ್ ಆರ್ಥಿಕತೆಯಲ್ಲಿ ರಾಜಕೀಯ ಹೆಚ್ಚಾಗುತ್ತಿರುವ ಯುಗ ಇದು. ಅದು ಕೇವಲ ಪದವಲ್ಲ'. ಅನಿಶ್ಚಿತ ಜಗತ್ತಿನಲ್ಲಿ ನಮ್ಮ ರಾಷ್ಟ್ರೀಯ ಅಗತ್ಯಗಳನ್ನು ಖಾತರಿಪಡಿಸಿಕೊಳ್ಳಲು ನಾವು ನಿರಂತರವಾಗಿ ಪೂರೈಕೆ ಮೂಲಗಳನ್ನು ವೈವಿಧ್ಯಗೊಳಿಸುವುದು ಹೆಚ್ಚು ಮುಖ್ಯವಾಗಿದೆ ಎಂದರು.

ಒಂದಾದ ನಂತರ ಒಂದರಂತೆ ಹೊಸ ನಿಯಮ: ಸಮಕಾಲೀನ ವ್ಯವಸ್ಥೆಯ ದೀರ್ಘಾವಧಿಯ ಒಪ್ಪಂದದಾರನಾಗಿರುವ ಅಮೆರಿಕ ವ್ಯವಹರಿಸುವ ರಾಷ್ಟ್ರಗಳಿಗೆ ಒಂದಾದ ನಂತರ ಒಂದರಂತೆ ಹೊಸ ಹೊಸ ನಿಯಮಗಳನ್ನು ಹಾಕುತ್ತಿದೆ ಎಂದು ಅವರು ಕಿಡಿಕಾರಿದರು.

ಸುಂಕುಗಳನ್ನು ಪರಿಹರಿಸಲು ಹಾಗೂ ಸಮಗ್ರ ವ್ಯಾಪಾರ ಒಪ್ಪಂದಕ್ಕಾಗಿ ಭಾರತ ಮತ್ತುಅಮೆರಿಕ ಮಾತುಕತೆಗಳನ್ನು ನಡೆಸುತ್ತಿದೆ ಎಂದು ಹೇಳಿದ ಸಚಿವರು, ಚೀನಾ, ತನ್ನ ನಿಯಮಗಳಿಗೆ ದೀರ್ಘಕಾಲದಿಂದ ಬದ್ಧವಾಗಿದೆ. ಈಗಲೂ ಅದನ್ನು ಮಾಡುತ್ತಿದೆ ಎಂದರು.

Jaishankar, trump Casual Images
ಮೂರನೇ ಜಗತ್ತಿನ ದೇಶಗಳಿಗೆ ಡೊನಾಲ್ಡ್ ಟ್ರಂಪ್ ಮತ್ತೊಂದು ಶಾಕ್! ಜಾಗತಿಕವಾಗಿ ಬಹು ದೊಡ್ಡ ಹೊಡೆತ?

ಅಭದ್ರತೆಯ ಭೀತಿಯಲ್ಲಿ ತೃತೀಯ ರಾಷ್ಟ್ರಗಳು:

ಇತರ ರಾಷ್ಟ್ರಗಳು ಸ್ಪರ್ಧೆಯ ಮೇಲೆ ಗಮನ ಹರಿಸಬೇಕೇ ಅಥವಾ ಅದನ್ನು ನಿಲ್ಲಿಸುವ ವ್ಯಾಪಾರ ಒಪ್ಪಂದಗಳು ಮೇಲೆ ಗಮನ ಹರಿಸಬೇಕೇ ಎಂಬುದು ಸ್ಪಷ್ಟವಾಗಿಲ್ಲ. ತೃತೀಯ ರಾಷ್ಟ್ರಗಳು ಜಾಗತೀಕರಣ, ಪೂರೈಕೆ ಅಭದ್ರತೆಯಂತಹ ಒತ್ತಡಕ್ಕೆ ಸಿಲುಕಿ ನಲುಗುತ್ತಿವೆ.

ಭಾರತ ಅಪ್ರತಿಮ ಪ್ರಗತಿ: ಭಾರತವು ಮೂಲಸೌಕರ್ಯ ಮತ್ತು ಇತ್ತೀಚಿನ ವೈಜ್ಞಾನಿಕ ಬೆಳವಣಿಗೆಗಳಲ್ಲಿ ಅಪ್ರತಿಮ ಪ್ರಗತಿಯನ್ನು ಸಾಧಿಸುತ್ತಿದೆ ಎಂದು ಅವರು ಪ್ರತಿಪಾದಿಸಿದರು.

Follow KannadaPrabha channel on WhatsApp

  

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

  

Subscribe to KannadaPrabha YouTube Channel and watch Videos

ಈ ವಿಭಾಗದ ಇತರ ಸುದ್ದಿ

No stories found.

X
Google Preferred source

Advertisement

X
Kannada Prabha
www.kannadaprabha.com