Video: ಜೈಪುರದ ಮಾಲ್ ಮುಂದೆ ಯುವತಿ ಹೈ-ಡ್ರಾಮಾ; ಬೆತ್ತಲೆಯಾಗಿ, ಯುವಕನ ಶರ್ಟ್ ಹರಿದು ಅಸಭ್ಯ ವರ್ತನೆ!

ಜೈಪುರ: ಜೈಪುರದ WTP ಮಾಲ್ ಮುಂದೆ ಯುವತಿಯೊಬ್ಬರು ನಡುರಸ್ತೆಯಲ್ಲೇ ಸಂಪೂರ್ಣ ಬೆತ್ತಲೆಯಾಗಿ ದೊಡ್ಡ ಹೈ-ಡ್ರಾಮಾ ಸೃಷ್ಟಿಸಿದ್ದು, ಘಟನೆ ವಿಡಿಯೋ ಸಾಮಾಜಿಕ ಮಾಧ್ಯದಲ್ಲಿ ವೈರಲ್ ಆಗಿದೆ.

ವಿಡಿಯೋದಲ್ಲಿ, ಬೆತ್ತಲೆಯಾಗಿರುವ ಯುವತಿ, ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯನ್ನು ಹಿಡಿದು, ಆತನ ಶರ್ಟ್ ಹರಿದು ಹಾಕಿದ್ದಾಳೆ. ಅಲ್ಲದೆ ಅಶ್ಲೀಲವಾಗಿ ಆತನಿಗೆ ನಿಂದಿಸಿದ್ದಾಳೆ.

ಸಾರ್ವಜನಿಕ ಸ್ಥಳದಲ್ಲಿ ಈ ರೀತಿ ಅಸಭ್ಯವಾಗಿ ವರ್ತಿಸಿದ ಯುವತಿಯ ವಿರುದ್ಧ ಸಾರ್ವಜನಿಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು, ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ.

ಇನ್ನು ಈ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ ಜೈಪುರ ಪೊಲೀಸರು, ತನಿಖೆ ಆರಂಭಿಸಿದ್ದಾರೆ.