ಬಹುಮತ ಇಲ್ಲದೇ ಹೋಗಿದ್ದರೆ, ಸರ್ಕಾರ ಹೇಗೆ ರಚಿಸಲು ಸಾಧ್ಯ?: ಸದಾನಂದ ಗೌಡ

ಬೆಂಗಳೂರು: ಬಹುಮತ ಇಲ್ಲದೇ ಹೋಗಿದ್ದರೆ, ಕರ್ನಾಟಕ ರಾಜ್ಯದಲ್ಲಿ ಸರ್ಕಾರವನ್ನು ಹೇಗೆ ರಚಿಸುತ್ತಿದ್ದೆವು ಎಂದು ಕೇಂದ್ರ ಸಚಿವ ಡಿ.ವಿ ಸದಾನಂದ ಗೌಡ ಅವರು ಶುಕ್ರವಾರ ಹೇಳಿದ್ದಾರೆ. 

ಬಹುಮತ ಕುರಿತಂತೆ ಮಾಧ್ಯಮಗಳೊಂದಿಗೆ ಮಾತನಾಡಿರುವ ಅವರು, ಬಿಜೆಪಿಗೆ ಬಹುಮತ ಮತವಿದೆ. ಬಹುಮತವಿಲ್ಲದೆಯೇ ಸರ್ಕಾರ ರಚನೆ ಮಾಡಲು ಹೇಗೆ ಸಾಧ್ಯ? ಎಂದು ಪ್ರಶ್ನಿಸಿದ್ದಾರೆ. 

ಇದೇ ವೇಳೆ ಜೆಡಿಎಸ್ ಹಾಗೂ ಕಾಂಗ್ರೆಸ್ ಶಾಸಕರನ್ನು ಹೈದರಾಬಾದ್'ಗೆ ಸ್ಥಳಾಂತರ ಮಾಡಿರುವ ಕುರಿತ ಪ್ರಶ್ನೆಗೆ ಉತ್ತರಿಸಿರುವ ಅವರು, ಜೆಡಿಎಸ್ ಹಾಗೂ ಕಾಂಗ್ರೆಸ್ ಶಾಸಕರು ಎಲ್ಲಿಗೆ ಬೇಕಾದರೂ ಹೋಗಬಹುದು. ಅದು ಅವರ ಹಕ್ಕು. ಅವರನ್ನು ಎಲ್ಲಿಗೆ ಹೋಗಾಬೇಕಾದರೂ ಕರೆದುಕೊಂಡು ಹೋಗಲಿ. ಪಾಕಿಸ್ತಾನಕ್ಕೆ ಬೇಕಾದರೂ ಕರೆದುಕೊಂಡು ಹೋಗಲಿ ಎಂದು ತಿಳಿಸಿದ್ದಾರೆ.