ಇದು ಫುಟ್ಬಾಲ್ ಆಟವಲ್ಲ, ಚದುರಂಗದಾಟ; ಸಂದರ್ಶನದಲ್ಲಿ ಡಿಕೆ ಶಿವಕುಮಾರ್

ಅದು ಅತ್ಯಂತ ಕಠಿಣ ಹಾಗೂ ಸವಾಲಿನ ಕೆಲಸವಾಗಿತ್ತು. ಆನಂದ್ ಸಿಂಗ್ ಸೇರಿ ಬಿಜೆಪಿ ನಮ್ಮ ಇಬ್ಬರು ಶಾಸಕರನ್ನು ತಮ್ಮ ತೆಕ್ಕೆಗೆ ತೆಗೆದುಕೊಳ್ಳುವ ಯತ್ನದಲ್ಲಿತ್ತು. ಆನಂದ್ ಸಿಂಗ್ ಅವರನ್ನು ಗೆಲ್ಲಿಸುವ ಸಲುವಾಗಿ ಅವರ ಕ್ಷೇತ್ರಕ್ಕೆ ರಾಹುಲ್ ಗಾಂಧಿಯವರನ್ನು ಕರೆದುಕೊಂಡು ಹೋಗಿದ್ದೆವು. ಬಳಿಕ ಪಕ್ಷದ ಪರವಾಗಿ ಅವರು ಇಲ್ಲ ಎಂದಾಗ ಸಾಕಷ್ಟು ಮುಜುಗರವಾಗಿತ್ತು. ಹೀಗಾಗಿ ವೈಯಕ್ತಿಕವಾಗಿ ಆನಂದ್ ಸಿಂಗ್ ಅವರ ಮನವೊಲಿಸುವ ಪ್ರಯತ್ನ ಮಾಡಿದ್ದೆ. ಬಳಿಕ ಕಾಂಗ್ರೆಸ್ ಮರಳಿ ಬರುವುದಾಗಿ ಆನಂದ್ ಭರವಸೆ ನೀಡಿ, ನನ್ನನ್ನು ರಕ್ಷಣೆ ಮಾಡುವಂತೆ ತಿಳಿಸಿದ್ದರು. 

ಒಂದು ಸ್ಥಳದಲ್ಲಿಯೇ ಹಲವು ನಾಯಕರನ್ನು ಇರಿಸುವುದು ಸುಲಭದ ಕೆಲಸವಲ್ಲ. ಪ್ರಮುಖವಾಗಿ ವಿಶ್ವಾಸದ ಬಗ್ಗೆ ನಾಯಕರು ಪ್ರಶ್ನೆ ಮಾಡುತ್ತಿದ್ದ ಸಂದರ್ಭದಲ್ಲಿ. ಆದರೆ, ಪರಿಸ್ಥಿತಿಗಳು ಎದುರಾದಾಗ ನಾವು ಆ ಕೆಲಸವನ್ನು ಮಾಡಬೇಕಾಗುತ್ತದೆ. ಬಿಜೆಪಿ ನಾಯಕರು ಗೊಂದಲಗಳನ್ನು ಸೃಷ್ಟಿಸಲು ಯತ್ನ ನಡೆಸಿದ್ದರು. ಹಲವು ಶಾಸಕರನ್ನು ಖರೀದಿ ಮಾಡಲೂ ಯತ್ನ ನಡೆಸಿದ್ದರು. ಆದರೆ, ನಾವು ಅದಕ್ಕೆ ಆಸ್ಪದ ನೀಡಲಿಲ್ಲ. ಬಿಜೆಪಿ ವರ್ಚಸ್ಸು ರಾಷ್ಟ್ರೀಯ ಮಟ್ಟದಲ್ಲಿದ್ದು, ಅಧಿಕಾರ ಪಡೆಯಲು ಬಿಜೆಪಿ ಆತುರ ಪಡಬಾರದಿತ್ತು. 

ಸಂಖ್ಯಾ ಬಲ ಹಾಗೂ ಪರಿಸ್ಥಿತಿಗಳು ಅಂದಿಗೂ ಇಂದಿಗೂ ವ್ಯತ್ಯಾಸಗಳಿವೆ. ಕಳೆದ ಬಾರಿ ಸರ್ಕಾರ ಮಾಡಲು ನಾವೇ ಅವರಿಗೆ ಅವಕಾಶ ಮಾಡಿಕೊಟ್ಟಿದ್ದೆವು. ನಮ್ಮ ಪಕ್ಷ ಬಯಸಿದ್ದೇ ಆಗಿದ್ದರೆ, ಪಕ್ಷೇತರ ಸಹಾಯದೊಂದಿಗೆ ಕಾಂಗ್ರೆಸ್-ಜೆಡಿಎಸ್ ಮೈತ್ರಿ ಮೂಲಕ ಮಲ್ಲಿಕಾರ್ಜುನ ಖರ್ಗೆ ಅವರು ಮುಖ್ಯಮಂತ್ರಿಯಾಗಬಹುದಿತ್ತು. ಆದರೆ, ಅದಕ್ಕೆ ನಾವು ಅವಕಾಶಕೊಡಲಿಲ್ಲ. ಈ ಬಾರಿ ಶಾಸಕರ ಸಂಖ್ಯೆ ಕೂಡ ಹೆಚ್ಚಾಗಿ ಬೇಕಾಗಿದೆ. ಬಿಜೆಪಿ ತನ್ನ ಅಧಿಕಾರ ಬಳಸಿಕೊಂಡು ಅಧಿಕಾರಕ್ಕೆ ಬರಲು ಯತ್ನ ನಡೆಸುತ್ತಿದೆ. ಆದರೆ, ಇದೀಗ ಏನೇ ಆಗಿದ್ದರೂ ಅದು ರಾಜ್ಯಪಾಲರ ಕೆನ್ನೆಗೆ ಹೊಡೆದಂತಾಗಿದೆ. ಸುಪ್ರೀಂಕೋರ್ಟ್ ಎಲ್ಲವನ್ನು ಗಮಿಸುತ್ತಿದೆ. 

ಒಂದು ರೀತಿಯಲ್ಲಿ ಹೇಳುವುದಾದರೆ, ಇದು ಸತ್ಯವಲ್ಲ. ಬಿಜೆಪಿಗಾಗಿ ಐಟಿ ಇಲಾಖೆ ಅಂತಹ ದೊಡ್ಡ ಸವಾಲನ್ನು ತೆಗೆದುಕೊಂಡಿರುವುದಿಲ್ಲ. ಕೇಂದ್ರ ಸರ್ಕಾರದ ಗಮನಕ್ಕೆ ತರೆದೆಯೇ ಸಚಿವರ ಮನೆಗಳ ಮೇಲೆ ಐಟಿ ಅಧಿಕಾರಿಗಳು ದಾಳಿ ನಡೆಸಲು ಸಾಧ್ಯವಿಲ್ಲ. ನಾವು ಅನುಭವಿಸುತ್ತಿದ್ದ ಕಿರುಕುಳದ ಬಗ್ಗೆ ಎಲ್ಲರಿಗೂ ಗೊತ್ತಿದೆ. ಕೆಲ ಅಧಿಕಾರಿಗಳು ನನ್ನ ಕುಟುಂಬ ಹಾಗೂ ಸ್ನೇಹಿತರೊಂದಿಗೆ ಬಹಳ ಕೆಟ್ಟದಾಗಿ ವರ್ತಿಸಿದ್ದಾರೆ. ಹಿರಿಯ ಅಧಿಕಾರಿಗಳು ನನಗೆ ನ್ಯಾಯ ದೊರಕಿಸಿಕೊಡುವುದಿಲ್ಲ ಎಂಬುದು ನನಗೆ ಗೊತ್ತಿದೆ. ಆದರೆ, ಆವರೂ ಕೂಡ ಒತ್ತಡದಲ್ಲಿಯೇ ಇದ್ದಾರೆ. 

ಅಮಿತ್ ಶಾ ಮತ್ತು ನರೇಂದ್ರ ಮೋದಿ ಬಗ್ಗೆ ಮಾತನಾಡುವಷ್ಟು ದೊಡ್ಡವನು ನಾನಲ್ಲ. ಅದನ್ನು ಮಾಡುವ ಅಧಿಕಾರ ಕೂಡ ನನಗೆ ಇಲ್ಲ. ಆದರೆ, ಅವರ ರಾಜಕೀಯ ಆಲೋಚನೆಗಳು ಏನೇ ಇದ್ದರೂ, ಅದು ರಾಜ್ಯದಲ್ಲಿ ಕೆಲಸಕ್ಕೆ ಬರುವುದಿಲ್ಲ. ರಾಜ್ಯ ಜನತೆ ಶಾಂತಿ-ಪ್ರೀತಿಯುಳ್ಳವರಾಗಿದ್ದಾರೆ. 

ಈ ಬಗ್ಗೆ ನಾನು ಯಾವುದೇ ರೀತಿಯ ಪ್ರತಿಕ್ರಿಯೆಯನ್ನೂ ನೀಡುವುದಿಲ್ಲ. ಆದರೆ, ಪಕ್ಷದಲ್ಲಿರುವ ಪ್ರತೀಯೊಬ್ಬರೂ ಹಾಗೂ ಹೈ ಕಮಾಂಡ್ ಸಿದ್ದರಾಮಯ್ಯ ಅವರ ಮೇಲೆ ಸಾಕಷ್ಟು ನಂಬಿಕೆಯನ್ನಿಟ್ಟಿತ್ತು. ಹೈ ಕಮಾಂಡ್ ಸಿದ್ದರಾಮಯ್ಯ ಅವರಿಗೆ ಸಂಪೂರ್ಣ ಬಲವನ್ನು ನೀಡಿತ್ತು. ಎಲ್ಲಿ ಹಾಗೂ ಏಕೆ ತಪ್ಪಾಯಿತು ಎಂಬುದನ್ನು ಕಂಡು ಹಿಡಿದು, ಸಮಸ್ಯೆಯನ್ನು ಬಗೆಹರಿಸಲಾಗುತ್ತದೆ. ಫಲಿತಾಂಶವೇ ಎಲ್ಲವನ್ನು ಹೇಳಲಿದೆ. 

1985ರಿಂದಲೂ ದೇವೇಗೌಡ ಅವರ ವಿರುದ್ಧ ರಾಜಕೀಯವಾಗಿ ಹೋರಾಡುತ್ತಲೇ ಇದ್ದೇನೆ. ಹಲವು ಚುನಾವಣೆಯಲ್ಲಿ ದೇವೇಗೌಡ ವಿರುದ್ಧ ಸೋಲು ಕಂಡಿದ್ದೇವೆ. ಕುಮಾರಸ್ವಾಮಿ ವಿರುದ್ಧ ಗೆಲವನ್ನು ಪಡೆದಿದ್ದೇನೆ. ನಮ್ಮ ಮಧ್ಯೆ ಸಾಕಷ್ಟು ಭಿನ್ನತೆಗಳಿವೆ. ಆದರೆ, ರಾಜ್ಯ. ದೇಶ ಹಾಗೂ ಕಾಂಗ್ರೆಸ್ ಪಕ್ಷ ಹಿತಾಸಕ್ತಿಯನ್ನು ಗಮನದಲ್ಲಿಟ್ಟುಕೊಂಡು ಎಲ್ಲಾ ಕಹಿಯನ್ನೂ ನುಂಗಲೇಬೇಕಿದೆ. ಎಲ್ಲವನ್ನು ಮರೆಯಲೇ ಬೇಕಿದೆ. ಪಕ್ಷ ನಮಗೆ ಮುಖ್ಯವಾಗಿದೆ. ಆ ರೀತಿ ನಡೆಯುವುದು ಕಷ್ಟ. ಅದು ನನಗೂ ಗೊತ್ತಿದೆ. ಆದರೆ, ಸಾರ್ವಜನಿಕರ ಕಣ್ಣಿನಿಂದ ನೋಡುವುದಾದರೆ, ಮುಂದಿನ ಹೆಜ್ಜೆಗಳ ಕುರಿತು ಆಲೋಚನೆ ನಡೆಸಬೇಕಿದೆ. 

ಪಕ್ಷ ಮೊದಲೇ ನಿರ್ಧಾರ ಕೈಗೊಂಡಿದ್ದಾಗ, ಈ ಬಗ್ಗೆ ನಾನು ಯಾವ ಆಯ್ಕೆಯನ್ನು ತೆಗೆದುಕೊಳ್ಳಲು ಸಾಧ್ಯ? ಒಪ್ಪಿಕೊಳ್ಳುವುದನ್ನು ಬಿಟ್ಟು ನನಗೆ ಬೇರಾವುದೇ ಆಯ್ಕೆಗಳಿರಲಿಲ್ಲ. ಮುಖ್ಯಮಂತ್ರಿ ಸ್ಥಾನ ಕುರಿತು ನನ್ನ ಮೇಲೆ ಸಾಕಷ್ಟು ಒತ್ತಡಗಳಿವೆ. ಸಾಮೂಹಿಕ ನಿರ್ಧಾರ ಬಂದಾಗ, ವೈಯಕ್ತಿಕ ಹಿತಾಸಕ್ತಿಗಳು ಮೂಲೆಗುಂಪಾಗುತ್ತದೆ. ಇಲ್ಲಿ ನಾಯಕತ್ವವೇ ಮುಖ್ಯವಾಗುತ್ತದೆ. 

ಪಕ್ಷದಲ್ಲಿ ಹಾಗೂ ರಾಜಕೀಯದಲ್ಲಿ ಡಿ.ಕೆ.ಶಿವಕುಮಾರ್ ಭವಿಷ್ಯವೇನು? ಕೆಪಿಸಿಸಿ ಮುಖ್ಯಸ್ಥರನ್ನಾಗಿ ಮಾಡಲಾಗುತ್ತದೆಯೇ? 

ಪರಮೇಶ್ವರ ಅವರ ಅವಧಿ ಮುಗಿಯುವುದಕ್ಕೂ ಮುನ್ನವೇ ಕೆಪಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ನನ್ನ ಹೆಸರು ಹರಿದಾಡುತ್ತಿದೆ. ಪರಮೇಶ್ವರ ಅವರನ್ನೇ ಕೆಪಿಸಿಸಿ ಅಧ್ಯಕ್ಷರನ್ನಾಗಿ ಮುಂದುವರೆಸಿದರೆ, ಈ ಹಿಂದಿದ್ದ ವ್ಯವಸ್ಥೆ ಮುಂದುವರೆಸಲು ಪಕ್ಷ ಬಯಸಿದೆ ಎಂದು ಅರ್ಥ. ನನಗೆ ಯಾವುದೇ ಆಯ್ಕೆಯಿಲ್ಲ. ಪಕ್ಷ ನಿರ್ಧಾರ ಕೈಗೊಂಡರೆ ಅದನ್ನು ಒಪ್ಪಿಕೊಂಡು ಕೆಲಸ ಮಾಡುತ್ತೇನೆಂದು ಡಿ.ಕೆ.ಶಿವಕುಮಾರ್ ಅವರು ತಿಳಿಸಿದ್ದಾರೆ.