ರಾಜಧಾನಿಯ ಹೃದಯ ಭಾಗದಲ್ಲಿ ಹಾವು-ಏಣಿ ಆಟ: ಚಿಕ್ಕಪೇಟೆಯಲ್ಲಿ ಕಾಂಗ್ರೆಸ್- ಬಿಜೆಪಿಗೆ 'ಕೆಜಿಎಫ್ ಬಾಬು' ಕಾಟ!

ಬೆಂಗಳೂರು: ಸೆಂಟ್ರಲ್ ಬೆಂಗಳೂರಿನಲ್ಲಿ 2.20 ಲಕ್ಷಕ್ಕೂ ಹೆಚ್ಚು ಮತದಾರರನ್ನು ಹೊಂದಿರುವ ಚಿಕ್ಕಪೇಟೆ ವಿಧಾನಸಭಾ ಕ್ಷೇತ್ರ ತ್ರಿಕೋನ ಹೋರಾಟಕ್ಕೆ ಸಾಕ್ಷಿಯಾಗಿದೆ. 2018ರ ಚುನಾವಣೆಗಿಂತ ಈ ಬಾರಿ ಭಿನ್ನವಾಗಿದೆ.

ಬಿಜೆಪಿಯಿಂದ ಹಾಲಿ ಶಾಸಕ ಉದಯ್ ಗರುಡಾಚಾರ್, 2018ರ ಚುನಾವಣಾ ರನ್ನರ್ ಅಪ್ ಕಾಂಗ್ರೆಸ್‌ನ ಆರ್‌ವಿ ದೇವರಾಜ್- ಕಾಂಗ್ರೆಸ್‌ನಿಂದ ಆಮ್ ಆದಾಮಿ ಪಕ್ಷಕ್ಕೆ (ಎಎಪಿ) ವಲಸೆ ಬಂದ ಸುಪ್ರೀಂ ಕೋರ್ಟ್ ವಕೀಲ ಬ್ರಿಜೇಶ್ ಕಾಳಪ್ಪ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದೆ. ಜೆಡಿಎಸ್ ನಾಯಕ ಮತ್ತು ಮಾಜಿ ಬಿಬಿಎಂಪಿ ಕಾರ್ಪೊರೇಟರ್ ಇಮ್ರಾನ್ ಪಾಷಾ ಮತ್ತು ಕಾಂಗ್ರೆಸ್ ಬಂಡಾಯ ಯೂಸುಫ್ ಷರೀಫ್ (ಜನಪ್ರಿಯವಾಗಿ ಕೆಜಿಎಫ್ ಬಾಬು ಎಂದು ಕರೆಯುತ್ತಾರೆ) ಸ್ವತಂತ್ರವಾಗಿ ಸ್ಪರ್ಧಿಸಿದ್ದಾರೆ.

ಈ ಅಭ್ಯರ್ಥಿಗಳ ಜಗಳದಿಂದ ಮತದಾರರಿಗೆ ವ್ಯಾಪಕ ಆಯ್ಕೆಯನ್ನು ನೀಡಿದೆ ಮತ್ತು ಜಾತಿ, ಅಭಿವೃದ್ಧಿ ಮತ್ತು ಅಧಿಕಾರದ ಆಧಾರದ ಮೇಲೆ ಯಾರು ಮತಗಳನ್ನು ಸೆಳೆಯುತ್ತಾರೆ ಎಂಬ ಹೋರಾಟವನ್ನು ಆಸಕ್ತಿದಾಯಕವಾಗಿಸಿದೆ.

ಕ್ಷೇತ್ರವು ಎಲ್ಲಾ ಆದಾಯ ಗುಂಪುಗಳು ಮತ್ತು ಧಾರ್ಮಿಕ ಅಲ್ಪಸಂಖ್ಯಾತರ ಮಿಶ್ರಣವನ್ನು ಹೊಂದಿದೆ. ಕ್ಷೇತ್ರದ ಮಹತ್ವದ ಬೆಳವಣಿಗೆಗಳಲ್ಲಿ ಒಂದಾದ ಕಲಾಸಿಪಾಳ್ಯ ಬಸ್ ಟರ್ಮಿನಲ್ ನಿರ್ಮಾಣ ಬಿಜೆಪಿಗೆ ಸೆಡ್ಡುಹೊಡೆಯಲಿದೆ, ಆದರೆ ಕಾಂಗ್ರೆಸ್ ಮತದಾರರಿಗೆ ಮಾಡಿದ ಅಭಿವೃದ್ಧಿ ಕಾರ್ಯಗಳ ಬಗ್ಗೆ ಮಾತನಾಡುತ್ತಿದೆ. ಕಾಂಗ್ರೆಸ್ ತನ್ನ ಪ್ರಣಾಳಿಕೆ, ಉಚಿತ ಮತ್ತು ಮೀಸಲಾತಿ ಪರಿಷ್ಕರಣೆ ಬಗ್ಗೆಯೂ ಮಾತನಾಡುತ್ತಿದೆ.

ಮಾಜಿ ಮೇಯರ್ ಗಂಗಾಂಬಿಕೆ ಮಲ್ಲಿಕಾರ್ಜುನ್ ನಾಮಪತ್ರ ಸಲ್ಲಿಸಿದಾಗ ಕಾಂಗ್ರೆಸ್ ಮುಜುಗರದ ಕ್ಷಣಗಳನ್ನು ಎದುರಿಸಿದ್ದು, ಕೆಜಿಎಫ್ ಬಾಬು ಕೂಡ ನಾಮಪತ್ರ ಸಲ್ಲಿಸಿದ್ದಾರೆ. ಗಂಗಾಂಬಿಕೆ ತನ್ನ ಪತ್ರವನ್ನು ಹಿಂಪಡೆದರೂ, ಬಾಬು ಅದನ್ನು ಹಿಂಪಡೆಯಲಿಲ್ಲ ಮತ್ತು ಸ್ವತಂತ್ರವಾಗಿ ಸ್ಪರ್ಧಿಸಿದ್ದಾರೆ.

ಇದನ್ನೂ ಓದಿ: ರಾಜಧಾನಿಯ 3 ಕ್ಷೇತ್ರಗಳಲ್ಲಿ ಬಿಜೆಪಿಗೆ 'ಎಸ್ ಜಿಂಕ್ಸ್': ಶಾಂತಿ, ಶಿವಾಜಿ, ಸರ್ವಜ್ಞನಗರದಲ್ಲಿ ಬಹುತೇಕ ಕಾಂಗ್ರೆಸ್ ಫಿಕ್ಸ್!

ಚಿಕ್ಕಪೇಟೆಯಲ್ಲಿ ಅದರಲ್ಲೂ ಮಾರುಕಟ್ಟೆಯ ಬಳಿ ಕೊಳೆತು ನಾರುತ್ತಿರುವ ಕಸದ ದುರ್ವಾಸನೆ ಬಗ್ಗೆ ಮತದಾರರು ದೂರುತ್ತಿದ್ದರೂ ಅಭ್ಯರ್ಥಿಗಳು ನೀಡಿದ ಯಾವುದೇ ಭರವಸೆಗಳು ಈಡೇರಿಲ್ಲ. ಬೆಂಗಳೂರಿನ ಅತ್ಯಂತ ಹಳೆಯ ಮಾರುಕಟ್ಟೆಗಳಾದ ಕಲಾಸಿಪಾಳ್ಯ ಸಗಟು ಮಾರುಕಟ್ಟೆಯ ನವೀಕರಣ ಮತ್ತು ನಿರ್ವಹಣೆಯು ಮತದಾರರಲ್ಲಿ ಪ್ರಮುಖ ಚರ್ಚೆ ಮತ್ತು ನಿರ್ಧಾರಕವಾಗಿದೆ.

ಕ್ಷೇತ್ರವು ಪ್ರಸಿದ್ಧ ಧರ್ಮರಾಯ ಸ್ವಾಮಿ ದೇವಾಲಯವನ್ನು ಸಹ ಹೊಂದಿದೆ, ಅಲ್ಲಿ ಅಭ್ಯರ್ಥಿಗಳು ತಮ್ಮ ಅಸ್ತಿತ್ವ ಹೊಂದಲು ಪ್ರಯತ್ನಿಸುತ್ತಿದ್ದಾರೆ. ಬೆಂಗಳೂರು ಕರಗ ಮತ್ತು ಮತದಾರರ ಧಾರ್ಮಿಕ ಭಾವನೆಗಳಿಗೆ ಗೌರವ ನೀಡುವ ಮೂಲಕ ಬಿಜೆಪಿ ಮತದಾರರ ಓಲೈಸುತ್ತಿದೆ. ಆದರೆ ಕಾಂಗ್ರೆಸ್ ಇಲ್ಲಿ ಅಭಿವೃದ್ಧಿಯ ಕೊರತೆಯ ಬಗ್ಗೆ ಮಾತನಾಡುತ್ತಿದೆ.

ಕ್ಷೇತ್ರವು ಮಾರುಕಟ್ಟೆಗೆ ಸಂಬಂಧಿಸಿದೆ ಎಂಬ ಊಹೆಗೆ ವಿರುದ್ಧವಾಗಿ, ಇದು ಒಂದು ಕಡೆ ಬಸವನಗುಡಿ, ಇನ್ನೊಂದು ಬದಿಯಲ್ಲಿ ಜಯನಗರ ಮತ್ತು ಶಾಂತಿನಗರ ಮತ್ತು ವಿಲ್ಸನ್ ಗಾರ್ಡನ್‌ನ ಒಂದು ಭಾಗವನ್ನು ಹೊಂದಿದೆ. ಈ ಪ್ರದೇಶಗಳಲ್ಲಿ, ಕಸ, ಫುಟ್‌ಪಾತ್‌ಗಳು, ವಾಹನ ನಿಲುಗಡೆ ಮತ್ತು ಬಸ್ ನಿಲ್ದಾಣಗಳಂತಹ ನಾಗರಿಕ ಸೌಲಭ್ಯಗಳು ಮತದಾರರು ಮತ್ತು ಅಭ್ಯರ್ಥಿಗಳ ನಡುವಿನ ಚರ್ಚಾ ವಿಷಯವಾಗಿದೆ.