ದಾವಣಗೆರೆ: ಕೇರಳದ ತಿರುವನಂತಪುರದಲ್ಲಿ ಫೆ.4ರಿಂದ ನಡೆಯುವ ಅಖಿಲ ಭಾರತ ನಾಗರಿಕ ಸೇವಾ ಕಬಡ್ಡಿ ಪಂದ್ಯಾವಳಿಯಲ್ಲಿ ಪಾಲ್ಗೊಳ್ಳುವ ಕರ್ನಾಟಕ ತಂಡಕ್ಕೆ ದಾವಣಗೆರೆ ಜಿಲ್ಲಾ ವಾರ್ತಾ ಮತ್ತು ಪ್ರಚಾರ ಇಲಾಖೆ ನೌಕರ, ಹಿರಿಯ ಕ್ರೀಡಾಪಟು ಬಿ.ಎಸ್. ಬಸವರಾಜ ಆಯ್ಕೆಯಾಗಿದ್ದಾರೆ.
ರಾಜ್ಯ ಸರ್ಕಾರಿ ನೌಕರರ ಕ್ರೀಡಾಕೂಟದ 100, 200 ಹಾಗೂ 800 ಮೀಟರ್ಸ್ ಸ್ಪರ್ಧೆ, ಕಬಡ್ಡಿಯಲ್ಲಿ ಸತತ 4 ವರ್ಷದಿಂದ ಪ್ರಥಮ ಸ್ಥಾನವನ್ನು ಗಳಿಸಿದ್ದ ಬಸವರಾಜ ರಾಜ್ಯ ಕಬಡ್ಡಿ ತಂಡಕ್ಕೂ ಆಯ್ಕೆ ಯಾಗುವ ಮೂಲಕ ಸಾಧನೆ ಮಾಡಿದ್ದರು.
ಫೆ.26ರಿಂದ ತರಬೇತಿ: ಉತ್ತಮ ಗಾಯಕರೂ ಆದ ಬಸವರಾಜ ರಾಷ್ಟ್ರಮಟ್ಟದ ನಾಗರಿಕ ಕಬಡ್ಡಿ ಪಂದ್ಯಾವಳಿಯಲ್ಲಿ ಪಾಲ್ಗೊಳ್ಳುವ ರಾಜ್ಯ ತಂಡಕ್ಕೆ ಚಿತ್ರದುರ್ಗದಲ್ಲಿ ಫೆ.26ರಿಂದ ನಡೆಯುವ ತರಬೇತಿ ಶಿಬಿರದಲ್ಲೂ ಪಾಲ್ಗೊಳ್ಳಲಿದ್ದಾರೆ.
