ಚೆನ್ನೈ: 'ಭಾರತಕ್ಕಾಗಿ ನಾನು ಇನ್ನೂ ಅನೇಕ ಪಂದ್ಯಗಳಲ್ಲಿ ಆಡಿ, ನನ್ನ ದೇಶಕ್ಕೆ ಜಯ ತಂದುಕೊಡಬೇಕೆನ್ನುವುದೇ ನನ್ನ ಗುರಿ' ಎಂದು ಖ್ಯಾತ ಕ್ರಿಕೆಟಿಗ ವಿರಾಟ್ ಕೊಹ್ಲಿ ತಿಳಿಸಿದ್ದಾರೆ. ಇಲ್ಲಿಗೆ ಖಾಸಗಿ ಸಮಾರಂಭಕ್ಕೆ ಆಗಮಿಸಿದ್ದ ಅವರು, ಪತ್ರಕರ್ತರೊಂದಿಗೆ ಮಾತನಾಡುತ್ತಾ, 'ನಾನು ಕ್ರೀಡಾ ಸಾಧಕನಾಗುವ ಕನಸು ಹೊಂದಿದ್ದೇನೆ. ಈಗ ಸಾಧಿಸಿರುವುದು ಏನೂ ಅಲ್ಲ. ಮುಂದೆ ಇದಕ್ಕಿಂತಲೂ ಹೆಚ್ಚು ಸಾಧಿಸುವ ಕನಸಿದೆ. ಅದಕ್ಕಾಗಿ ಪರಿಶ್ರಮಪಡುತ್ತಿದ್ದೇನೆ. ಮುಂದಿನ ದಿನಗಳಲ್ಲಿ ನಾನು ಹೆಚ್ಚು ಪಂದ್ಯಗಳನ್ನು ಭಾರತಕ್ಕಾಗಿ ಗೆದ್ದು ಕೊಡಲು ಬಯಸುತ್ತೇನೆ' ಎಂದು ತಿಳಿಸಿದರು.
