ಐಟಿಎಫ್ ಟೂರ್ನಿ: ಅಂಕಿತಾಗೆ ಪ್ರಶಸ್ತಿ ಗರಿ

ಪುಣೆ: ಐಟಿಎಫ್ ಟೆನಿಸ್ ಟೂರ್ನಿಯ ಪ್ರಶಸ್ತಿ ಭಾರತದ ಉದಯೋನ್ಮುಖ ಟೆನಿಸ್ ಆಟಗಾರ್ತಿ ಅಂಕಿತಾ ರೈನಾ ಪಾಲಾಗಿದೆ.

ಶನಿವಾರ ನಡೆದ ಫೈನಲ್ ಪಂದ್ಯದಲ್ಲಿ ಅವರು ಬ್ರಿಟನ್‌ನ ಕ್ಯಾಟಿ ಡುನ್ ಅವರನ್ನು 6-2, 6-2 ಸೆಟ್‌ಗಳ ಅಂತರದಲ್ಲಿ ಸೋಲಿಸಿ, ರೂ.16 ಲಕ್ಷ ಮೊತ್ತದ ಪ್ರಶಸ್ತಿಯನ್ನು ತಮ್ಮದಾಗಿಸಿ ಕೊಂಡರು. ಈ ಮೂಲಕ, 21 ವರ್ಷ ವಯಸ್ಸಿನ ಅಹ್ಮದಾಬಾದ್ ಮೂಲದ ಅಂಕಿತಾ ರೈನಾ ಹೊಸ ಇತಿಹಾಸ ಬರೆದರು.

14 ವರ್ಷಗಳ ಇತಿಹಾಸವುಳ್ಳ ಈ ಟೂರ್ನಿಯಲ್ಲಿ ಇದೇ ಮೊದಲ ಬಾರಿಗೆ ಪಂದ್ಯಾವಳಿ ಆಯೋಜಿಸಿದ್ದ ದೇಶ(ಭಾರತ)ದ ಆಟಗಾರ್ತಿಯೊಬ್ಬರು ಪ್ರಶಸ್ತಿಗಳಿಸಿದ ಹೆಗ್ಗಳಿಕೆಗೆ ಅವರು ಭಾಜನರಾದರು.