ರಿಯೊ ಡಿ ಜನೈರೊ: ಮುಂದಿನ ವರ್ಷ ನಡೆಯಲಿರುವ ಒಲಿಂಪಿಕ್ಸ್ ಕ್ರೀಡಾಕೂಟದ ಟೆನಿಸ್ ವಿಭಾಗದಲ್ಲಿ ಪಾಲ್ಗೊಳ್ಳಲಿರುವ ಸ್ವಿಜರ್ಲೆಂಡ್ ತಂಡದಲ್ಲಿ ಆ ದೇಶದ ಅಗ್ರ ಆಟಗಾರರಾದ ರೋಜರ್ ಫೆಡರರ್ ಹಾಗೂ ಮಾರ್ಟಿನಾ ಹಿಂಗಿಸ್ ಸೇರ್ಪಡೆಗೊಂಡಿದ್ದಾರೆಂದು ಐಬಿಎನ್ ಲೈವ್ ವರದಿ ಮಾಡಿದೆ.
ಒಲಿಂಪಿಕ್ಸ್ ಟೆನಿಸ್‍ನಲ್ಲಿ ಪದಕ ಗೆಲ್ಲುವ ಕನಸಿನ ತಂಡವೊಂದನ್ನು ಕಟ್ಟುವ ಯತ್ನಕ್ಕೆ ಆ ದೇಶದ ಟೆನಿಸಿಗರು ಜೋಡಿಸಿದ್ದು, ಈ ನಿಟ್ಟಿನಲ್ಲಿ, ಒಲಿಂಪಿಕ್ಸ್ ಮಿಶ್ರ ಡಬಲ್ಸ್ ನಲ್ಲಿ ತಮ್ಮೊಂದಿಗೆ ಕಣಕ್ಕಿಳಿಯುವಂತೆ ಹಿಂಗಿಸ್ ಇದೇ ವರ್ಷದಾರಂಭದಲ್ಲಿ ಫೆಡರರ್‍ಗೆ ಮನವಿ ಸಲ್ಲಿಸಿದ್ದರು.
ಆ ಮನವಿಗೆ ಫೆಡರರ್ ಈಗ ಹಸಿರು ನಿಶಾನೆ ತೋರಿದ್ದಾರೆ. ಹಾಗಾಗಿ, ಈ ಇಬ್ಬರೂ ಮಹಾಕ್ರೀಡಾಕೂಟದ ಮಿಶ್ರ ಡಬಲ್ಸ್‍ನಲ್ಲಿ ಆಡುವುದು ನಿಶ್ಚಿತ ಎನ್ನಲಾಗಿದೆ.
