ಪ್ರಶಸ್ತಿ ಗೆದ್ದ ಮನು-ಸುಮಿತ್

ನವದೆಹಲಿ: ಭಾರತದ ಪ್ರಮುಖ ಬ್ಯಾಡ್ಮಿಂಟನ್ ಡಬಲ್ಸ್ ಜೋಡಿಯಾದ ಮನು ಅತ್ರಿ ಹಾಗೂ ಬಿ. ಸುಮೀತ್ ರೆಡ್ಡಿ ಈ ಋತುವಿನಲ್ಲಿ ಕೊನೆಗೂ ಪ್ರಶಸ್ತಿ ಜಯಿಸಿ ನಿಡುಸುಯ್ದಿದ್ದಾರೆ.

ಮೆಕ್ಸಿಕೋ ಓಪನ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯ ಪ್ರಶಸ್ತಿ ಸುತ್ತಿನ ಸೆಣ ಸಾಟದಲ್ಲಿ ಥಾಯ್ಲೆಂಡ್‍ನ ಬೊಡಿನ್ ಇಸ್ಸಾರ ಹಾಗೂ ನಿಪಿಟ್ಫೋನ್ ಪುವಾಂಗ್ಪುವಾಪೀಚ್ ಜೋಡಿಯನ್ನು 22-20,  21-18ರ ಎರಡು ನೇರ ಗೇಮ್ ಗಳ ಆಟದಲ್ಲಿ ಮಣಿಸಿ ಪ್ರಶಸ್ತಿ ಮನು ಹಾಗೂ ರೆಡ್ಡಿ ಪ್ರಶಸ್ತಿ ಪಡೆದರು. ಅಂದಹಾಗೆ, ಈ ಜೋಡಿಗೆ ಇದು ಮೊಟ್ಟಮೊದಲ ಗ್ರಾಂಡ್ ಪ್ರಿಕ್ಸ್ ಪ್ರಶಸ್ತಿ ಎನ್ನುವುದು  ಗಮನಾರ್ಹ. ``ಇಂದು ನಮ್ಮ ದಿನವಾಗಿತ್ತು. ಅದಕ್ಕೆ ತಕ್ಕಂತೆ ಜಯ ಸಾಧಿಸಿದೆವು'' ಎಂದು ಮನು, ಪಂದ್ಯದ ನಂತರ ಪ್ರತಿಕ್ರಿಯಿಸಿದ್ದಾರೆ.