ಟೀಂ ಇಂಡಿಯಾ 2ನೇ ಸ್ಥಾನ ಅಬಾಧಿತ

ಭಾರತ ತಂಡ ಬಾಂಗ್ಲಾದೇಶ ವಿರುದ್ಧ ಇತಿಹಾಸದಲ್ಲೇ ಮೊದಲ ಬಾರಿಗೆ ಸೋಲನುಭವಿಸಿದ್ದರೂ ಐಸಿಸಿ ತಂಡಗಳ ರ್ಯಾಂಕಿಂಗ್ ನಲ್ಲಿ 2ನೇ ಸ್ಥಾನ ಕಾಯ್ದುಕೊಂಡಿದೆ. ಟೂರ್ನಿಯ ಆರಂಭಕ್ಕೂ ಮೊದಲು ಭಾರತ ತಂಡ 117 ಅಂಕಗಳೊಂದಿಗೆ ಆಸ್ಟ್ರೇಲಿಯಾ (129) ನಂತರದ ಸ್ಥಾನ ಹೊಂದಿತ್ತು.

ಈ ಸರಣಿ ಸೋಲಿನ ನಂತರ ಭಾರತ ತಂಡ 115 ಅಂಕಗಳೊಂದಿಗೆ ದ್ವಿತೀಯ ಸ್ಥಾನದಲ್ಲಿದೆ.
ಮತ್ತೊಂದೆಡೆ ಇತ್ತೀಚೆಗಷ್ಟೇ ಮುಕ್ತಾಯ ಕಂಡ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ನಡುವಣ ಏಕದಿನ ಸರಣಿಯಲ್ಲಿ ನ್ಯೂಜಿಲೆಂಡ್ ತಂಡ ಸೋಲನುಭವಿಸಿದ ಹಿನ್ನೆಲೆಯಲ್ಲಿ ಕಿವೀಸ್ ಪಡೆ 112 ಅಂಕಗಳನ್ನು ಪಡೆದಿದೆ.

 ಆ ಮೂಲಕ ಭಾರತ ಸರಣಿ ಸೋತರೂ ಎರಡನೇ ಸ್ಥಾನದಲ್ಲಿ ಉಳಿಯಲು ಸಾಧ್ಯವಾಗಿದೆ. ಇಂಗ್ಲೆಂಡ್ ವಿರುದ್ಧದ ಸರಣಿಗೂ ಮುನ್ನ ನ್ಯೂಜಿಲೆಂಡ್ 115 ಅಂಕಗಳನ್ನು ಹೊಂದಿತ್ತು.