ಗೆಲುವಿನ ನಾಗಲೋಟ ಮುಂದುವರೆಸಿದ ಭಾರತ

ಸಿಡ್ನಿ: ವಿಶ್ವಕಪ್ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ ಭಾರತ109 ರನ್ ಗಳಿಂದ ಜಯ ಗಳಿಸಿದ್ದು, ಸೆಮಿಫೈನಲ್ ಪ್ರವೇಶಿಸಿದೆ.

ಭಾರತ ನೀಡಿದ 303 ರನ್ ಗಳ ಬೃಹತ್ ಮೊತ್ತವನ್ನು ಬೆನ್ನತ್ತಿದ್ದ ಬಾಂಗ್ಲಾದೇಶ ಆರಂಭದಲ್ಲಿ ಉತ್ತಮ ಬ್ಯಾಂಟಿಂಗ್ ಮಾಡಿದರು ನಂತರ ಭಾರತ ಬೌಲಿಂಗ್ ದಾಳಿಗೆ ತತ್ತರಿಸಿ 193 ರನ್ ಗಳಿಗೆ ಆಲೌಟ್ ಆಯಿತು.

ಬಾಂಗ್ಲಾ ಪರ ಉತ್ತಮ ಬ್ಯಾಟ್ ತಮಿಮ್ ಇಕ್ಬಾಲ್ 25 ರನ್ ಗಳಿಸಿ ಔಟಾದರೆ, ಇಮ್ರುಲ್ 5, ಸೌಮ್ಯ ಸರ್ಕಾರ್ 29, ಮಹಮುದುಲ್ಲಾಹ 21, ಶಕೀಬ್ ಅಲ್ ಹಸನ್ 10, ರಹಿಮ್ 27 ರನ್ ಗಳಿಸಿ ಪೆವಿಲಿಯನ್ ಸೇರಿದರು.

ಬಳಿಕ ಬಂದ ಬೌಲರ್ ಗಳು ಉತ್ತಮವಾಗಿ ಬ್ಯಾಟ್ ಬೀಸಿದರು ಆದರು ತಂಡವನ್ನು ಗೆಲುವಿನತ್ತ ಕೊಂಡೊಯ್ಯಲು ಸಾಧ್ಯವಾಗಲಿಲ್ಲ. ಶಬೀರ್ ರೆಹಮಾನ್ 30, ಹುಸೈನ್ 35, ಮಾರ್ಟಜಾ 1 ಮತ್ತು ರುಬೇಲ್ ಹುಸೈನ್ ಶೂನ್ಯಕ್ಕೆ ಔಟಾದರು.

ಭಾರತ ಪರ ಉಮೇಶ್ ಯಾದವ್ 4, ಮಹಮ್ಮದ್ ಶೆಮಿ ಜಡೇಜಾ ತಲಾ 2 ವಿಕೆಟ್ ಪಡೆದರೆ ಮೋಹಿತ್ ಶರ್ಮಾ 1 ವಿಕೆಟ್ ಪಡೆದರು.

ಭಾರತ ಪರ ಶತಕ ಸಿಡಿಸಿದ ರೋಹಿತ್ ಶರ್ಮಾ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಪಾತ್ರರಾದರು.