ಮೊಹಾಲಿ: ಮುಂಬರುವ ಭಾರತ ವಿರುದ್ಧದ ಟೆಸ್ಟ ಸರಣಿಯಲ್ಲಿ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ದ.ಆಫ್ರಿಕಾಗೆ ಪ್ರಬಲ ಸವಾಲಾಗಿ ಪರಿಣಮಿಸುವ ಸಾಧ್ಯತೆ ಇದೆ ಎಂದು ಫಾಫ್ ಡು ಪ್ಲೆಸಿಸ್ ಹೇಳಿದ್ದಾರೆ.
ಗುರುವಾರ ಆರಂಭವಾಗಲಿರುವ ಮೊದಲ ಟೆಸ್ಟ್ ಹಿನ್ನೆಲೆಯಲ್ಲಿ ಇಲ್ಲಿನ ಐಎಸ್ ಬಿಂದ್ರಾ ಪಿಸಿಎ ಕ್ರೀಡಾಂಗಣದಲ್ಲಿ ದಕ್ಷಿಣ ಆಫ್ರಿಕಾ ತಂಡ ಅಭ್ಯಾಸ ನಡೆಸಿದ ಬಳಿಕ ಮಾತನಾಡಿದ ಡು'ಪ್ಲೆಸಿಸ್, ಪಿಚ್ ಆತಿಥೇಯರ ಪರವಾಗಿದೆ ಎಂದು ನಿರೀಕ್ಷಿಸಿದ್ದೀರ ಎಂಬ ಪ್ರಶ್ನೆಗೆ ''ಪಂದ್ಯದ ಮೊದಲ ದಿನ ಚೆಂಡು ಯಾವ ರೀತಿ ಸ್ಪಿನ್ ಆಗಲಿದೆ ಎಂದು ನಿರೀಕ್ಷಿಸಿದ್ದೇವೆ. ನಂತರ ಆದರ ಬಗ್ಗೆ ಯೋಜನೆ ರೂಪಿಸಲಿದ್ದೇವೆ. ನನ್ನ ಪ್ರಕಾರ ಸದ್ಯ ಭಾರತ ಸಾಕಷ್ಟು ಆಕ್ರಮಣಕಾರಿಯಾಗಿದೆ. ಪಂದ್ಯದ ಮೂರು, ನಾಲ್ಕು ಮತ್ತು ಐದನೇ ಸಾಮಾನ್ಯವಾಗಿ ಸ್ಪಿನ್ಗೆ ಹೆಚ್ಚು ನೆರವಾಗಲಿದೆ. ಆದರೆ ಮೊದಲ ದಿನ ಈ ಅವರು ಹೇಗೆ ಆರಂಭಿಸಲಿದ್ದಾರೆ ಎಂಬುದನ್ನು ಕಾದು ನೋಡಲಿದ್ದೇವೆ,'' ಎಂದು ಹೇಳಿದ್ದಾರೆ.
ಅಶ್ವಿನ್ ಅತ್ಯುತ್ತಮ ಸ್ಪಿನ್ನರ್ ಆದರೆ ನನ್ನ ಪ್ರಕಾರ 20ಟಿಯಲ್ಲಿ ನಾವು ಉತ್ತಮವಾಗಿ ಆಡಿದ್ದೇವೆ. ಆದರೆ ಇದು ಟೆಸ್ಟ್ ಕ್ರಿಕೆಟ್. ಆದಾಗ್ಯೂ ಅವರು ಹೆಚ್ಚು ಅಪಾಯಕಾರಿಯಾಗಬಹುದು, ಅಶ್ವಿನ್ ಪ್ರಮುಖ ಅಪಾಯಕಾರಿ ಬೌಲರ್. ಆದರೆ ನಮ್ಮ ಯೋಜನೆಗಳು ನಿಜವಾಗಿಯೂ ಅದ್ಬುತವಾಗಿವೆ,''ಎಂದು ಫಾಫ್ ಹೇಳಿದ್ದಾರೆ.
Advertisement