ಡೇಲ್‌ ಸ್ಟೇನ್‌ ಅಲಭ್ಯ?

ಕೇಪ್‍ಟೌನ್: ಟೀಂ ಇಂಡಿಯಾ ವಿರುದ್ಧದ ಮೂರು ಟೆಸ್ಟ್ ಪಂದ್ಯಗಳಲ್ಲಿ ದಕ್ಷಿಣ ಆಫ್ರಿಕಾ ಪರ ಆಡಬೇಕಿದ್ದ ವೇಗಿ ಡೇಲ್ ಸ್ಟೇನ್‌, ತಮ್ಮ ತಂಡಕ್ಕೆ ಅಲಭ್ಯರಾಗುವ ಸಂಭವವಿದೆ. ಮೊಹಾಲಿ ಟೆಸ್ಟ್ ಪಂದ್ಯದ ಗುರುವಾರದ ದಿನದಾಟದಲ್ಲಿ ತೊಡೆ ಸಂದಿನ ನೋವಿಗೆ ತುತ್ತಾಗಿದ್ದ ಅವರು ವಿಶ್ರಾಂತಿಗೆ ಶರಣಾಗಿದ್ದರು. ಶನಿವಾರ ಕೂಡ ನೋವಿನಲ್ಲೇ ಆಡಿರುವ ಅವರಿನ್ನೂ ಚೇತರಿಸಿಕೊಂಡಿಲ್ಲವಾದ್ದರಿಂದ ಅವರು ಭಾರತ ವಿರುದ್ಧದ ಟೆಸ್ಟ್ ಸರಣಿಯ ಮುಂದಿನ ಪಂದ್ಯಗಳಿಗೆ ಅಲಭ್ಯವಾಗಲಿದ್ದಾರೆಂದು ಕ್ರಿಕೆಟ್ ದಕ್ಷಿಣ ಆಫ್ರಿಕಾ ಹೊರಡಿಸಿರುವ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ. ಈಗಾಗಲೇ ಮೊಹಾಲಿ ಟೆಸ್ಟ್ ನಲ್ಲಿ ಸೋಲು ಕಂಡಿರುವ ಸ್ಟೇನ್‌ ಅಲಭ್ಯತೆ ಮತ್ತಷ್ಟು ಕಾಡಬಹುದು ಎನ್ನಲಾಗಿದೆ.