ನವದೆಹಲಿ: ವಿಶ್ವ ಟೆನಿಸ್ ನ ಮಹಿಳೆಯರ ಡಬಲ್ಸ್ ನಲ್ಲಿ ಅಗ್ರ ಶ್ರೇಯಾಂಕಿತ ಜೋಡಿಯಾದ ಸಾನಿಯಾ ಮಿರ್ಜಾ ಹಾಗೂ ಸ್ವಿಜರ್ಲೆಂಡಿನ ಮಾರ್ಟಿನಾ ಹಿಂಗಿಸ್, ಡಬ್ಲ್ಯೂಟಿಎ ಫೈನಲ್ಸ್ ಟೆನಿಸ್ ಟೂರ್ನಿಯ ಮಹಿಳೆಯರ ಡಬಲ್ಸ್ ವಿಭಾಗದ 4ನೇ ಸುತ್ತಿನ ಪಂದ್ಯದಲ್ಲಿ ಜಯ ಗಳಿಸಿದ್ದಾರೆ.
ಸೋಮವಾರ ನಡೆದ ರೌಂಡ್ ರಾಬಿನ್ ಪಂದ್ಯದಲ್ಲಿ ಸಾನಿಯಾ- ಮಾರ್ಟಿನಾ, ಅಮೆರಿಕದ ಜೋಡಿಯಾದ ರಾಕ್ವೆಲ್ ಕೋಪ್ಸ್ ಜೋನ್ಸ್ ಮತ್ತು ಎಬಿಗೇಲ್ ಸ್ವಿಯರ್ಸ್ ವಿರುದ್ಧ 6-4, 6-2 ನೇರ ಸೆಟ್‍ಗಳಲ್ಲಿ ಜಯ ಸಾಧಿಸಿದರು.
ಪ್ರಾಂಜಲಾ ಫೈನಲ್ ಗೆ: ಸೋಮವಾರ ನಡೆದ ಮತ್ತೊಂದು ಮಹತ್ವದ ಪಂದ್ಯದಲ್ಲಿ ಭಾರತದ ಉದಯೋನ್ಮುಖ ಆಟಗಾರ್ತಿ ಪ್ರಾಂಜಲಾ ಯಡ್ಲಪಳ್ಳಿ, ಟೂರ್ನಿಯ 16 ವರ್ಷ ವರ್ಷದೊಳಗಿನವರ ವಿಭಾಗದ ಬಾಲಕಿಯರ ಸಿಂಗಲ್ಸ್ ವಿಭಾಗದ ಫೈನಲ್ ತಲುಪಿದ್ದಾರೆ. ಕೊರಿಯಾದ ಹೇ ರ್ಯಾನ್ ಯುನ್ ವಿರುದ್ಧ ಸೆಣಸಿದ ಅವರು, 6-2, 6-2 ನೇರ ಸೆಟ್‍ಗಳ ಜಯ ಸಂಪಾದಿಸಿದರು.
ಮುಗುರುಜಾ, ಕೆರ್ಬರ್ ಮುಂದಡಿ ಮಹಿಳೆಯರ ಸಿಂಗಲ್ಸ್ ವಿಭಾಗದ 3ನೇ ಸುತ್ತಿನ ಪಂದ್ಯದಲ್ಲಿ ಜೆಕ್ ಗಣರಾಜ್ಯದ ಲೂಸಿ ಸಫಾರೋವಾ ವಿರುದ್ಧ ಸೆಣಸಿದ ಮುಗುರುಜಾ
6-3, 7-6 (4) ಸೆಟ್‍ಗಳಲ್ಲಿ ಜಯ ಗಳಿಸಿದರೆ, ಜೆಕ್ ಗಣರಾಜ್ಯದ ಪೆಟ್ರಾ ಕ್ವಿಟೊವಾ ವಿರುದ್ಧ ಮುಖಾಮುಖಿಯಾಗಿದ್ದ ಜರ್ಮನಿಯ ಏಂಜಲಿಕ್ ಕೆರ್ಬರ್ 6-2, 6-6 (3) ಸೆಟ್ ಗಳ ಅಂತರದಲ್ಲಿ ಜಯ ಸಾಧಿಸಿದರು.
