ಸಚಿನ್ ಮುಂಬೈ ಕ್ರಿಕೆಟ್ನಲ್ಲೇ ಸ್ಥಗಿತರಾದಂತೆ ಇದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅವರು ಇನ್ನೂ ಮಿಂಚಬಹುದಾಗಿತ್ತು. ನೀಟ್ ಆ್ಯಂಡ್ ಸ್ಟ್ರೈಟ್ ಕ್ರಿಕೆಟ್ ಆಡುವ ಮುಂಬೈ ಕ್ರಿಕೆಟಿಗರ ಜತೆ ಆಡುವುದಕ್ಕಿಂತ ಹೆಚ್ಚು ಸಮಯವನ್ನು ಅವರು ವಿವಿಯನ್ ರಿಚರ್ಡ್ಸ್ ಜತೆ ಆಟವಾಡುತ್ತಾ ಕಳೆಯಬೇಕಿತ್ತು. ಸಚಿನ್ ಅದ್ಭುತ ಕ್ರಿಕೆಟಿಗ, ಅವರಿಗೆ ಶತಕ ಬಾರಿಸುವುದು ಹೇಗೆ ಎಂದು ಗೊತ್ತು. ಆದರೆ ದ್ವಿಶತಕ, ತ್ರಿಶತಕ ಅಥವಾ ನಾನ್ನೂರು ರನ್ ಹೇಗೆ ಬಾರಿಸಬೇಕೆಂದು ತಿಳಿದಿಲ್ಲ ಎಂದು ಕಪಿಲ್ ಹೇಳಿದ್ದಾರೆ.
