ಮುಂಬಯಿ: ಚೊಚ್ಚಲ ಟೂರ್ನಿಯ ನಂತರ ಎರಡು ವರ್ಷಗಳ ಅವಧಿ ನಂತರ ಮತ್ತೆ ಅಭಿಮಾನಿಗಳನ್ನು ರಂಜಿಸಲು ಇಂಡಿಯನ್ ಬ್ಯಾಡ್ಮಿಂಟನ್ ಲೀಗ್ ಸಂಪೂರ್ಣವಾಗಿ ಸಜ್ಜಾಗಿ ನಿಂತಿದೆ.
ಎರಡು ವರ್ಷಗಳ ಬಳಿಕ ಭಾರತೀಯ ಬ್ಯಾಡ್ಮಿಂಟನ್ ಲೀಗ್ (ಐಬಿಎಲ್) ಪುನರಾರಂಭಗೊಳ್ಳುತ್ತಿದೆ ಎಂದು ಭಾರತೀಯ ಬ್ಯಾಡ್ಮಿಂಟನ್ ಅಸೋಸಿಯೇಶನ್‌ (ಬಿಎಐ)ನ ಅಧ್ಯಕ್ಷ ಅಖೀಲೇಶ್‌ ದಾಸ್‌ ಗುಪ್ತ ತಿಳಿಸಿದ್ದಾರೆ.
15 ದಿನಗಳ ಕಾಲ ನಡೆಯಲಿರುವ ಐಬಿಎಲ್ ಒಂದು ಮಿಲಿಯ ಡಾಲರ್‌ ಬಹುಮಾನ ನಿಧಿಯನ್ನು ಒಳಗೊಂಡಿದೆ. ಮುಂದಿನ ವರ್ಷದ ಜನವರಿ 2ರಿಂದ 17ರವರಗೆ ನಡೆಯಲಿರುವ ಈ ಕೂಟದಲ್ಲಿ ಆರು ತಂಡಗಳು ಪ್ರಶಸ್ತಿಗಾಗಿ ಕಾದಾಡಲಿವೆ.
ಹೊಸದಿಲ್ಲಿಯಲ್ಲಿ ಗುರುವಾರ ನಡೆದ ಸಮಾರಂಭದಲ್ಲಿ ಗುಪ್ತ ಅವರು ಐಬಿಎಲ್ ಮರಳಿರುವ ವಿಷಯವನ್ನು ಪ್ರಕಟಿಸಿದರು. ಈ ಸಂದರ್ಭ ಖ್ಯಾತ ಶಟ್ಲರ್‌ಗಳಾದ ಸೈನಾ ನೆಹ್ವಾಲ್‌, ಕೆ. ಶ್ರೀಕಾಂತ್‌, ಪಿ.ವಿ. ಸಿಂಧು, ಕೋಚ್‌ ಗೋಪಿಚಂದ್‌ ಉಪಸ್ಥಿತರಿದ್ದರು. ಉದ್ಘಾಟನಾ ವರ್ಷದ ಐಬಿಎಲ್‌ಗಿಂತ ಬೃಹತ್‌ ಮಟ್ಟದಲ್ಲಿ ಈ ಕೂಟ ನಡೆಯುವ ಬಗ್ಗೆ ಗುಪ್ತ ಭರವಸೆ ವ್ಯಕ್ತಪಡಿಸಿದರು.
ಇಂದು ನನ್ನ ಪಾಲಿಗೆ ಹೆಮ್ಮೆಯ ದಿನವಾಗಿದೆ. ಇಂಡಿಯನ್ ಬ್ಯಾಡ್ಮಿಂಟನ್ ಲೀಗ್‌ನ ಎರಡನೇ ಆವೃತ್ತಿ ನಡೆಯುವ ದಿನವನ್ನು ಪ್ರಕಟಿಸಲು ಖುಶಿಯಾಗುತ್ತಿದೆ. ಈ ಕೂಟದ ಮೊದಲ ಕೂಟಕ್ಕಿಂತ ಭರ್ಜರಿಯಾಗಿ ಸಾಗುವ ವಿಶ್ವಾಸ ನನಗಿದೆ ಎಂದುಹೇಳಿದ ಗುಪ್ತ ತಳಮಟ್ಟದಲ್ಲಿರುವ ಯುವ ಪ್ರತಿಭೆಗಳನ್ನು ಪ್ರಚಯಿಸುವುದು ಇದರ ಉದ್ದೇಶ ಎಂದು ತಿಳಿಸಿದರು.
Advertisement