ಟಿಟಿ: ಮನಿಕಾ ಬಾತ್ರಾಗೆ ಹ್ಯಾಟ್ರಿಕ್ ಚಿನ್ನ

ಶಿಲ್ಲಾಂಗ್: 12ನೇ ದಕ್ಷಿಣ ಏಷ್ಯಾ ಕ್ರೀಡಾಕೂಟದ ಟೇಬಲ್ ಟೆನಿಲ್ ಮಹಿಳಾ ಡಬಲ್ಸ್​ನಲ್ಲಿ ಮನಿಕಾ ಬಾತ್ರಾ ಹ್ಯಾಟ್ರಿಕ್ ಸಾಧನೆ ಮಾಡಿದ್ದು, ಸತತ ಮೂರನೇ ಬಾರಿಗೆ ಚಿನ್ನದ ಪದಕ ಗೆದ್ದು ಸಾಧನೆ  ಮಾಡಿದ್ದಾರೆ.

ರಾಷ್ಟ್ರೀಯ ಚಾಂಪಿಯನ್ ಕೂಡ ಆಗಿರುವ ದೆಹಲಿ ಮೂಲದ ಹುಡುಗಿ ಮನಿಕಾ ಬಾತ್ರಾ ಅವರು ಪೂಜಾ ಸಹಸ್ರಬುದ್ಧೆ ಅವರ ಜೊತೆಗೂಡಿ ಮೌಮಾ ದಾಸ್ ಮತ್ತು ಶಾಮಿನಿ ಜೋಡಿಯನ್ನು ಕೇವಲ 30  ನಿಮಿಷಗಳ ಅಂತರದಲ್ಲಿ 11-7, 13-11, 11-5 ಅಂತರದಲ್ಲಿ ಮಣಿಸಿದರು. ಆ ಮೂಲಕ ಸತತ ಮೂರನೇ ಬಾರಿಗೆ ಚಿನ್ನದ ಪದಕ ಗೆದ್ದ ಸಾಧನೆ ಮಾಡಿದರು.

ಇನ್ನು ಜವಾಹರಲಾಲ್ ನೆಹರೂ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪುರುಷರ ಡಬಲ್ಸ್​ನ ಫೈನಲ್​ನಲ್ಲಿ ಜಿ.ಸತ್ಯನ್ ಮತ್ತು ದೇವೇಶ್ ಕೈರಾ ಅವರು ಆಂತೋಣಿ ಅಮಲ್​ರಾಜ್ ಮತ್ತು ಸನಿಲ್ ಶೆಟ್ಟಿ  ಜೋಡಿಯನ್ನು 11-1, 11-8, 11-6 ಅಂತರಲ್ಲಿ ಸೋಲಿಸಿ ಎರಡನೇ ಚಿನ್ನದ ಪದಕವನ್ನು ಗೆದ್ದರು.