ಸಿಂಗಾಪುರ: ಟೆನಿಸ್ ನಲ್ಲಿ ವಿಶ್ವದ ನಂ.1 ಡಬಲ್ಸ್ ಆಟಗಾರ್ತಿ ಈ ವಾರ ನದೆಯುವ ಡಬ್ಲ್ಯೂಟಿಎ ಫೈನಲ್ ಪಂದ್ಯಾವಳಿಯ ಬಳಿಕ ತಮ್ಮ ವೃತ್ತಿ ಜೀವನಕ್ಕೆ ಗುಡ್ ಬೈ ಹೇಳಲಿದ್ದಾರೆ
37ವರ್ಷ ದ ಸ್ವಿಸ್ ತಾರೆ ಈ ಹಿಂದೆ ಕೂಡ 2003, 2007ರಲ್ಲಿ ಎರಡು ಬಾರಿ ನಿವೃತ್ತಿ ಘೊಷಿಸಿದ್ದರು. ಆದರೆ 2013ರಲ್ಲಿ ಪುನಃ ವೃತ್ತಿ ಜೀವನ ಪ್ರಾರಂಭಿಸಿ ದಬಲ್ಸ್ ಪಂದ್ಯಗಳಲ್ಲಿ ಪಾಲ್ಗೊಳ್ಳುತ್ತಿದ್ದರು.
23 ವರ್ಷ ಗಳ ವೃತ್ತಿ ಬದುಕಿನಲ್ಲಿ 25 ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿಗಳನ್ನು ಜಯಿಸಿರುವ ಹಿಂಗಿಸ್ 5 ಸಿಂಗಲ್ಸ್, 7 ಮಿಶ್ರ ಡಬಲ್ಸ್ ಹಾಗೂ 13 ಮಹಿಳಾ ಡಬಲ್ಸ್ ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.
"ನಾನು ವೃತ್ತಿ ಜೀವನಕ್ಕೆ ಕಾಲಿಟ್ಟು 23 ವರ್ಷ ಕಳೆದಿದೆ. ಇದನ್ನು ನನಗೆ ನಂಬಲು ಕಷ್ತವಾಗುತ್ತಿದೆ. ಸಿಂಗಾಪುರದಲ್ಲಿ ಕೊನೆಯ ಪಂದ್ಯವನ್ನಾಡಲು ನಿರ್ಧರಿಸಿದ್ದೇನೆ" ತಮ್ಮ ನಿವೃತ್ತಿಯ ಕುರಿತಂತೆ ಹಿಂಗಿಸ್ ಹೀಗೆಂದು ಬರೆದುಕೊಂಡಿದ್ದಾರೆ.
ಮಾರ್ಟಿನಾ ಅವರು ಈ ವಾರದಲ್ಲಿ ಸಿಂಗಾಪುರದಲ್ಲಿ ನದೆಯುವ ಡಬ್ಲ್ಯೂಟಿಎ ಫೈನಲ್ ನಲ್ಲಿ, ತೈವಾನಿನ ಚಾನ್ ಯುಂಗ್ ಜಾನ್ ಜತೆಯಾಗಲಿದ್ದಾರೆ.