ಗೋವಾ ತಂಡವನ್ನು ಮಣಿಸಿ ಮೊದಲ ಬಾರಿ ಐಎಸ್ಎಲ್ ಪ್ರಶಸ್ತಿ ಗೆದ್ದ ಬೆಂಗಳೂರು ತಂಡ

ಮುಂಬೈ: ಇಂಡಿಯನ್ ಸೂಪರ್ ಲೀಗ್ ನ ಫುಟ್ಬಾಲ್ ಟೂರ್ನಿಯಲ್ಲಿ ಫೈನಲ್ ಪಂದ್ಯದಲ್ಲಿ ಗೋವಾ ತಂಡವನ್ನು ಮಣಿಸಿರುವ ಬೆಂಗಳೂರು ಎಫ್ ಸಿ ತಂಡ ಇದೇ ಮೊದಲ ಬಾರಿಗೆ ಐಎಸ್ಎಲ್ ಟೈಟಲ್ ನ್ನು ತನ್ನದಾಗಿಸಿಕೊಂಡಿದೆ. 

ಎಕ್ಸ್ಟ್ರಾ ಟೈಮ್ ನ 27 ನೇ ನಿಮಿಷದ ನಿರ್ಣಾಯಕ ಹಂತದಲ್ಲಿ ಗೋಲ್ ದಾಖಲಿಸಿದ ಬೆಂಗಳೂರು ಎಫ್ ಸಿ ತಂಡದ ಗೆಲುವಿಗೆ ರಾಹುಲ್ ಬೆಕೆ ಪ್ರಮುಖ ಪಾತ್ರ ವಹಿಸಿದರು. 

ಕಳೆದ ವರ್ಷ ಐಎಸ್‌ಎಲ್ ಟೂರ್ನಿಗೆ ಕಾಲಿಟ್ಟ ಬೆಂಗಳೂರು ಎಫ್‌ಸಿ ಮೊದಲ ಪ್ರಯತ್ನದಲ್ಲೇ ಫೈನಲ್ ಪ್ರವೇಶಿಸ್ತು. ಆದರೆ ಚೆನ್ನೈಯನ್ ಎಫ್‌ಸಿ ವಿರುದ್ಧ ಮುಗ್ಗರಿಸಿ ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿಪಟ್ಟುಕೊಂಡಿತು. ಈ ಬಾರಿ ಗೋವಾ ತಂಡವನ್ನು 1-0 ಅಂತರದಿಂದ ಮಣಿಸಿ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.