ಗಾಂಧೀಜಿ ಒಮ್ಮೆ ಶಿವಮೊಗ್ಗಕ್ಕೆ ಬಂದಿದ್ದರು. ಅವರ ಕಾರ್ಯಕಲಾಪದ ನಂತರ ಜತೆಯಲ್ಲಿದ್ದವರು ಸಮೀಪದಲ್ಲಿದ್ದ ಜೋಗ ಜಲಪಾತದ ಬಗ್ಗೆ ವಿವರಿಸುತ್ತ 'ಇಂಥ ದೊಡ್ಡ ಜಲಪಾತವನ್ನು ಹಿಂದೆಂದೂ ನೀವು ನೋಡಿರುವುದಿಲ್ಲ' ಎಂದರು. ಆಗ ಅವರನ್ನು ಮಧ್ಯದಲ್ಲೇ ತಡೆದ ಗಾಂಧೀಜಿ ಹೇಳಿದರು; 'ನಾನು ಇದಕ್ಕಿಂತ ದೊಡ್ಡ ಅದ್ಭುತ ಜಲಪಾತ ನೋಡಿದ್ದೇನೆ. ನೀವೂ ನೋಡಿರುವಿರಿ. ಅದರ ಮುಂದೆ ಜೋಗದ ಜಲಪಾತ ಯಾವ ಲೆಕ್ಕದ್ದು?'. ಆಗ ಗಾಂಧೀಜಿಯ ಜೊತೆಗಿದ್ದವರು ಪೆಚ್ಚಾಗಿ ಕೇಳಿದರು; 'ಬಾಪೂ, ನಾವು- ನೀವೆಲ್ಲರೂ ನೋಡಿರುವ ಆ ಜಲಪಾತ ಯಾವುದು?' ಎಂದು ಪ್ರಶ್ನಿಸಿದಾಗ ಬಾಪೂ ಉತ್ತರಿಸಿದರು; 'ಆಕಾಶದಿಂದ ಸುರಿಯುವ ಧಾರಾಕಾರ ಮಳೆ'.
