ನವದೆಹಲಿ: ಸಾಮಾನ್ಯ ಪ್ರವೇಶ ಪರೀಕ್ಷೆ (ಸಿಎಟಿ-CAT ) 2014 ರ ಪರೀಕ್ಷಾ ಫಲಿತಾಂಶ ಶನಿವಾರ ಸಂಜೆಯ ವೇಳೆಗೆ ಪ್ರಕಟವಾಗಲಿದೆ.
ಇಂದು ಸಂಜೆ ಸಿಎಟಿ ಅಧಿಕೃತ ವೆಬ್ಸೈಟ್ www.iimcat.ac.in.ನಲ್ಲಿ ಫಲಿತಾಂಶ ಲಭ್ಯವಾಗಲಿದೆ.
ನವೆಂಬರ್ 16 ಮತ್ತು ನವೆಂಬರ್ 22 ರಂದು ದೇಶದ 99 ನಗರಗಳ 307 ಕೇಂದ್ರಗಳಲ್ಲಿ ಸುಮಾರು 1.7 ಲಕ್ಷ ಅಭ್ಯರ್ಥಿಗಳು ಈ ಪರೀಕ್ಷೆ ಬರೆದಿದ್ದರು.
ಸಿಎಟಿ ಪರೀಕ್ಷೆಯಲ್ಲಿ ಪಾಸಾದ ವಿದ್ಯಾರ್ಥಿಗಳು ಇಂಡಿಯನ್ ಇನ್ಸಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ ( ಐಐಎಂ) ಮತ್ತು ಇತರ ಬಿ-ಸ್ಕೂಲ್ನಲ್ಲಿ ಪ್ರವೇಶ ಪಡೆಯಲು ಅರ್ಹತೆ ಹೊಂದುತ್ತಾರೆ.
ಪ್ರಸ್ತುತ ಪರೀಕ್ಷೆಯಲ್ಲಿ ಸಿಕ್ಕ ಅಂಕವನ್ನು ಪರಿಗಣಿಸಿ ವಿದ್ಯಾರ್ಥಿಗಳಿಗೆ ಐಐಎಂನಲ್ಲಿ ಸೀಟು ಲಭಿಸಲಿದೆ.
ಸಿಎಟಿ 2014 ಪರೀಕ್ಷೆಯನ್ನು ಐಐಎಂ -ಇಂದೋರ್ ನಡೆಸುತ್ತಿದ್ದು, ಈ ಪರೀಕ್ಷೆಗಾಗಿ 1,96,951 ಅಭ್ಯರ್ಥಿಗಳು ನೋಂದಣಿ ಮಾಡಿದ್ದರು.
Advertisement