ಪಾಟ್ನಾ: ನಾನಿನ್ನೂ ಯುವಕ ಮತ್ತು ಸೆಪ್ಟಂಬರ್-ಅಕ್ಟೋಬರ ಸಮಯದಲ್ಲಿ ನಡೆಯಲಿರುವ ಬಿಹಾರ ವಿಧಾನಸಭಾ ಚುನಾವಣೆಗಳಲ್ಲಿ ಬಿಜೆಪಿಯನ್ನು ಎದುರಿಸಲು ಸಂಪೂರ್ಣ ಸಿದ್ಧನಿದ್ದೇನೆ ಎಂದು ಆರ್ ಜೆ ಡಿ ಪಕ್ಷದ ಮುಖ್ಯಸ್ಥ ಲಾಲು ಪ್ರಸಾದ್ ಯಾದವ್ ತಿಳಿಸಿದ್ದಾರೆ.
"ಕಳೆದ ವರ್ಷ ನನಗೆ ಪ್ರಮುಖ ಹೃದಯ ಶಸ್ತ್ರಚಿಕಿತ್ಸೆ ಆಗಿದ್ದರೂ ನಾನಿನ್ನೂ ಯುವಕ ಮತ್ತು ಸಂಪೂರ್ಣ ಶಕ್ತಿಯಿದೆ" ಎಂದು ಗುರುವಾರ ಹುಟ್ಟುಹಬ್ಬ ಆಚರಿಕೊಳ್ಳುತ್ತಿರುವ ೬೮ ವರ್ಷದ ಮಾಜಿ ಬಿಹಾರ ಮುಖ್ಯಮಂತ್ರಿ ಹೇಳಿದ್ದಾರೆ.
"ನನ್ನ ಆರೋಗ್ಯ ಹಿಂದಿರುಗಿರುವುದರಿಂದ ನಾನು ಭಾರತೀಯ ಜನತಾ ಪಕ್ಷ ಮತ್ತು ನರೇಂದ್ರ ಮೋದಿ ಅವರನ್ನು ಬರುವ ಚುನಾವಣೆಗಳಲ್ಲಿ ತೊಂದರೆಗೆ ಸಿಲುಕಿಸಲಿದ್ದೇನೆ" ಎಂದು ಆರ್ ಜೆ ಡಿ ಮುಖಂಡ ಮಾಜಿ ಕೆಂದ್ರ ರೈಲ್ವೇ ಸಚಿವ ಲಾಲು ಹೇಳಿದ್ದಾರೆ.
ಬಿಹಾರದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬರುವುದರಿಂದ ತಡೆಯಲು ನಾವು ಸಂಯುಕ್ತ ಜನತಾದಳ, ಕಾಂಗ್ರೆಸ್ ಹಾಗು ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷಗಳೊಂದಿಗೆ ಹೊಂದಾಣಿಕೆ ಮಾಡಿಕೊಂಡು ನಿತೀಶ್ ಕುಮಾರ್ ಅವರನ್ನು ಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಘೋಷಿಸಿದ್ದೇವೆ ಎಂದಿದ್ದಾರೆ.
"ಇಡೀ ದೇಶ ಬಿಹಾರದತ್ತ ಮುಖ ಮಾಡಿದೆ. ಚುನಾವಣೆ ಫಲಿತಾಂಶದಿಂದ ಬಿಜೆಪಿ ಮತ್ತು ಮೋದಿಯವರಿಗೆ ಮುಖಭಂಗವಾಗಲಿದೆ" ಎಂದಿದ್ದಾರೆ.
