ನವದೆಹಲಿ: ಆಮ್ ಆದ್ಮಿ ಪಕ್ಷದ ಶಾಸಕ ಅಮಾನತುಲ್ಲಾ ಖಾನ್ ವಿರುದ್ಧ ಅವರ ಸಹೋದರನ ಪತ್ನಿ ಲೈಂಗಿಕ ಕಿರುಕುಳದ ದೂರು ನೀಡಿರುವ ಹಿನ್ನಲೆಯಲ್ಲಿ ಎಫ್ ಐ ಆರ್ ದಾಖಲಾಗಿದ್ದು, ರಾಜೀನಾಮೆ ನೀಡಲು ಶಾಸಕ ಮುಂದಾಗಿದ್ದರು, ಪಕ್ಷ ಬೇಡವೆಂದಿದೆ.
"ಅವರ (ಖಾನ್) ರಾಜೀನಾಮೆ ಸ್ವೀಕರಿಸಲು ನಾವು ನಿರಾಕರಿಸಿದೆವು. ಇದು ಆರು ವರ್ಷದ ಹಿಂದಿನ ಪ್ರಕರಣ ಮತ್ತು ಅವರ ಅತ್ತೆ-ಮಾವ ಇದರಲ್ಲಿ ಅವರನ್ನು ಎಳೆಯುತ್ತಿದ್ದಾರೆ" ಎಂದು ದೆಹಲಿ ಉಪಮುಖ್ಯಮಂತ್ರಿ ಮನೀಶ್ ಸಿಸೋಧಿಯಾ ಪತ್ರಿಕಾ ಗೋಷ್ಠಿಯಲ್ಲಿ ಹೇಳಿದ್ದಾರೆ.
"ನಮ್ಮ ಆಂತರಿಕ ತನಿಖೆಗಳ ಪ್ರಕಾರ ಅವರನ್ನು ಈ ಪ್ರಕರಣಕ್ಕೆ ಎಳೆಯಲಾಗಿದೆ ಎಂದು ಕಂಡುಹಿಡಿದಿದ್ದೇವೆ" ಎಂದು ಕೂಡ ಅವರು ಹೇಳಿದ್ದಾರೆ.
ಶನಿವಾರ ದಕ್ಷಿಣ ದೆಹಲಿಯ ಜಾಮಿಯಾನಗರ ಪೊಲೀಸ್ ಠಾಣೆಯಲ್ಲಿ ಖಾನ್ ವಿರುದ್ಧ ದೂರು ದಾಖಲಿಸಕೊಳ್ಳಲಾಗಿದೆ.
