ಹವಾಮಾನ ವೈಪರೀತ್ಯ ಈ ಶತಮಾನದ ಸವಾಲು: ಒಬಾಮ

ವಾಷಿಂಗ್ಟನ್: ಹವಾಮಾನ ವೈಪರೀತ್ಯವು ನಮ್ಮ ಭವಿಷ್ಯತ್ತಿನಲ್ಲಿ ಎದುರಾಗುವ ಸಮಸ್ಯೆಯಲ್ಲ ಅದು ಈ ಶತಮಾನದ ಸವಾಲು ಎಂದು ಅಮೆರಿಕ ಅಧ್ಯಕ್ಷ ಬರಾಕ್ ಒಬಾಮಾ ಹೇಳಿದ್ದಾರೆ.  ಹವಾಮಾನ ವೈಪರೀತ್ಯ ಉಲ್ಬಣವಾಗುತ್ತಿರುವ ಸಮಸ್ಯೆಯಾಗಿದ್ದರೂ ಯಾರೂ ಈ ಬಗ್ಗೆ ಹೆಚ್ಚು ತಲೆ ಕೆಡಿಸಿಕೊಂಡಿಲ್ಲ. ಅದೇ ವೇಳೆ ಅಮೆರಿಕದ ಕೆಲವು ಪ್ರದೇಶಗಳಲ್ಲಿ ಜನರು ಈ ಸಮಸ್ಯೆಯನ್ನು ಎದುರಿಸುತ್ತಲೇ ಇದ್ದಾರೆ ಎಂದು ಒಬಾಮಾ ಹೇಳಿದ್ದಾರೆ.

ಮನುಷ್ಯನ ಕ್ರಿಯೆಗಳು ಹವಾಮಾನದ ಮೇಲೂ ಪ್ರಭಾವ ಬೀರುತ್ತಿರುತ್ತವೆ. ಇದು ನಾವು ಯೋಚಿಸುವುದಕ್ಕಿಂತಲೂ ವೇಗದಲ್ಲಿ ನಡೆಯುವ ಕ್ರಿಯೆಯಾಗಿದೆ. ಯಾವುದೋ ಮೂಲೆಯಲ್ಲಿ ಹವಾಮಾನ ವೈಪರೀತ್ಯಕ್ಕೆ ಜನರು ಬಲಿಯಾಗುತ್ತಿದ್ದಾರೆ. ಈ ಕ್ಷಣದಲ್ಲಿಯೂ ಅದು ಆಗುತ್ತಲೇ ಇದೆ ಎಂದು ಒಬಾಮಾ ನುಡಿದಿದ್ದಾರೆ.