ಲಂಡನ್‍ನಲ್ಲಿ ಅಧ್ಯಯನ ಭಾರತಕ್ಕೆ ಮೂರನೆ ಸ್ಥಾನ

ಲಂಡನ್ : ಬ್ರಿಟನ್‍ನಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರುವ ವಿದೇಶಿ ವಿದ್ಯಾರ್ಥಿಗಳಲ್ಲಿ ಭಾರತೀಯರು ಮೂರನೆ ಸ್ಥಾನದಲ್ಲಿದ್ದಾರೆ. ಈ ಪಟ್ಟಿಯಲ್ಲಿ ಚೀನಾ ಮೊದಲ ಸ್ಥಾನದಲ್ಲಿದ್ದರೆ ಅಮೆರಿಕ ಎರಡನೇ ಸ್ಥಾನದಲ್ಲಿದೆ. 

ಲಂಡನ್‍ನಲ್ಲಿನ ವಿವಿಧ ವಿವಿಗಳಲ್ಲಿ ಓದುತ್ತಿರುವ ವಿದ್ಯಾ ರ್ಥಿಗಳಿಂದ ಬ್ರಿಟನ್‍ಗೆ ವಾರ್ಷಿಕ 300 ಕೋಟಿ ಪೌಂಡ್ (ಸರಿಸುಮಾರು ರು.30,000 ಕೋಟಿ) ಹಣ ಬರಲಿದ್ದು 37 ಸಾವಿರ ಉದ್ಯೋಗಗಳು ಸೃಷ್ಟಿಯಾಗಿವೆ ಎಂದು ಲಂಡನ್ ಅಂಡ್ ಪಾರ್ಟನರ್ಸ್ ವರದಿ ಹೇಳಿದೆ.

2013-14ನೇ ಸಾಲಿನಲ್ಲಿ ಭಾರತೀಯ ವಿದ್ಯಾರ್ಥಿಗಲು 13 ಕೋಟಿ ಪೌಂಡ್ ವೆಚ್ಚ ಮಾಡಿದ್ದಾರೆ. ಇದರಲ್ಲಿ 5.6 ಕೋಟಿ ಬೋಧನಾ ಶುಲ್ಕಕ್ಕೆ ವೆಚ್ಚ ಮಾಡಿದ್ದರೆ ಉಳಿದದ್ದನ್ನು ಊಟ, ವಸತಿ ಮತ್ತಿತರಕ್ಕೆ ವೆಚ್ಚ ಮಾಡಿ ದ್ದಾರೆ. ಆದರೂ ಚೀನಾಗೆ ಹೋಲಿಸಿದರೆ ಭಾರತೀಯ ವಿದ್ಯಾರ್ಥಿಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಕಡಿಮೆಯಾಗುತ್ತಿದೆ ಎಂದು ವರದಿ ವಿವರಿಸಿದೆ.