ಬೈರೂತ್: ಬಂಡುಕೋರರ ಹಿಡಿತದಲ್ಲಿರುವ ಸಿರಿಯಾದ ಬೈರತ್ ನಲ್ಲಿ ಶಂಕಿತ ವಿಷಾನಿಲ ದಾಳಿ ನಡೆದಿದ್ದು ಈ ದಾಳಿಯಿಂದಾಗಿ ತನ್ನ 9 ತಿಂಗಳ ಅವಳಿ ಮಕ್ಕಳನ್ನು ಕಳೆದುಕೊಂಡ ತಂದೆ ರೋದನ ಮುಗಿಲು ಮುಟ್ಟಿತ್ತು. ಅತೀವ ನೋವಿನ ನಡುವೆ ಮಕ್ಕಳ ಅಂತ್ಯಸಂಸ್ಕಾರ ನಡೆಸಿದರು.
ಸಿರಿಯಾದ ಅಬ್ದೆಲ್ ಹಮೇದ್ ಅವಳಿ ಮಕ್ಕಳನ್ನು ಕಳೆದುಕೊಂಡ ನತದೃಷ್ಟ. ಅಂತ್ಯಸಂಸ್ಕಾರದ ವೇಳೆ ತಂದೆ ತನ್ನ ಅವಳಿ ಮಕ್ಕಳಾದ ಅಯಾ ಮತ್ತು ಅಹಮದ್ ತಬ್ಬಿಕೊಂಡು ಗುಡ್ ಬೈ ಬೇಬಿ ಗುಡ್ ಬೈ ಎಂದು ರೋದಿಸಿದ್ದು ಮನಕಲಕುವಂತಿತ್ತು.
ಬೈರುತ್ ನಲ್ಲಿ ಶಂಕಿತ ವಿಷಾನಿಲ ದಾಳಿ ನಡೆಸಲಾಗಿತ್ತು. ಮಕ್ಕಳು ಹಾಗೂ ಮಹಿಳೆಯರು ಸೇರಿದಂತೆ ಒಟ್ಟು 72 ನಾಗರೀಕರು ಬಲಿಯಾಗಿದ್ದರು. ಇದೀಗ ಸಾವಿನ ಸಂಖ್ಯೆ 100ಕ್ಕೆ ಏರಿಕೆಯಾಗಿದೆ ಎಂದು ವರದಿಗಳು ತಿಳಿಸಿವೆ.
ಇದ್ಲಿಬ್ ಪ್ರಾಂತ್ಯದ ಖಾನ್ ಶೈಖೌನ್ ಪ್ರಾಂತ್ಯದಲ್ಲಿ ವಿಷಾನಿಲ ದಾಳಿ ನಡೆಸಲಾಗಿತ್ತು. ದಾಳಿಯಲ್ಲಿ 100 ಮಂದಿ ಸಾವನ್ನಪ್ಪಿದ್ದಾರೆಂದು ಸಿರಿಯಾದ ಮಾನವ ಹಕ್ಕು ಮೇಲ್ವಿಚಾರಣೆ ಸಂಸ್ಥೆ ಮಾಹಿತಿ ನೀಡಿದೆ.
