'ಭಯೋತ್ಪಾದಕ ಕೃತ್ಯ' ಒಪ್ಪಿಕೊಂಡ ಸ್ಟಾಕ್ ಹಾಂ ಟ್ರಕ್ ದಾಳಿ ಶಂಕಿತ
ಕದ್ದ ಟ್ರಕ್ ಅನ್ನು ಬೇಕೆಂದಲೇ ಸ್ವೀಡನ್ ನ ರಾಜಧಾನಿಯಲ್ಲಿ ಜನರ ಮೇಲೆ ಓಡಿಸಿದ್ದಾಗಿ ತಿಳಿಸಿ ಭಯೋತ್ಪಾದಕ ಕೃತ್ಯವನ್ನು ಶಂಕಿತ ಒಪ್ಪಿಕೊಂಡಿದ್ದಾನೆ ಎಂದು ಅವರ ವಕೀಲ ಮಂಗಳವಾರ ಹೇಳಿದ್ದಾರೆ.
ಸ್ಟಾಕ್ ಹಾಂ: ಕದ್ದ ಟ್ರಕ್ ಅನ್ನು ಬೇಕೆಂದಲೇ ಸ್ವೀಡನ್ ನ ರಾಜಧಾನಿಯಲ್ಲಿ ಜನರ ಮೇಲೆ ಓಡಿಸಿದ್ದಾಗಿ ತಿಳಿಸಿ ಭಯೋತ್ಪಾದಕ ಕೃತ್ಯವನ್ನು ಶಂಕಿತ ಒಪ್ಪಿಕೊಂಡಿದ್ದಾನೆ ಎಂದು ಅವರ ವಕೀಲ ಮಂಗಳವಾರ ಹೇಳಿದ್ದಾರೆ.
ನ್ಯಾಯಾಲಯದ ವಿಚಾರಣೆ ವೇಳೆ ೩೯ ವರ್ಷದ ಉಜ್ಬೇಕಿಸ್ಥಾನದ ರಖಮತ್ ಅಕಿಲೊವ್ ಭಯೋತ್ಪಾದಕ ಕೃತ್ಯವನ್ನು ಒಪ್ಪಿಕೊಂಡಿದ್ದಾನೆ ಎಂದು ಬಿಬಿಸಿ ವರದಿ ಮಾಡಿದೆ. ಕಳೆದ ವಾರ ನಡೆದ ಈ ದಾಳಿಯಲ್ಲಿ ಕನಿಷ್ಠ ೪ ಜನ ಮೃತಪಟ್ಟು ೧೫ ಕ್ಕೂ ಹೆಚ್ಚು ಜನ ಗಾಯಗೊಂಡಿದ್ದರು.
"ಅವರು ತಮ್ಮ ಭಯೋತ್ಪಾದಕ ಕೃತ್ಯವನ್ನು ಒಪ್ಪಿಕೊಂಡಿದ್ದಾರೆ ಮತ್ತು ಅವರನ್ನು ಬಂಧಿಸಬಹುದು" ಎಂದು ಅಕಿಲೊವ್ ಪರ ವಕೀಲ ಜೋಹಾನ್ ಎರಿಕ್ಸನ್ ನ್ಯಾಯಾಲಯಕ್ಕೆ ಹೇಳಿದ್ದಾರೆ.
ಇಬ್ಬರು ಸ್ವೀಡನ್ ಪ್ರಜೆಗಳು, ಒಬ್ಬ ಬೆಲ್ಜಿಯಂ ಮತ್ತು ಒಬ್ಬ ಬ್ರಿಟನ್ ಪ್ರಜೆ ಈ ಶುಕ್ರವಾರದ ದಾಳಿಯಲ್ಲಿ ಮೃತಪಟ್ಟಿದ್ದರು. ಒಂಭತ್ತು ಜನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರಲ್ಲಿ ಇಬ್ಬರ ಸ್ಥಿತಿ ಗಂಭೀರವಾಗಿದೆ ಎಂದು ತಿಳಿದುಬಂದಿದೆ.
