ಲಂಡನ್: 2.77 ಮಿಲಿಯನ್ ಫಾಲೋವರ್ಸ್ ಗಳನ್ನು ಹೊಂದಿರುವ ಬ್ರಿಟನ್ ರಾಣಿ ಎಲಿಜಬೆತ್ ಅವರ ವೈಯಕ್ತಿಕ ಟ್ವಿಟರ್ ಖಾತೆ ನಿರ್ವಹಣೆಗಾಗಿ ಬೇಕಾಗಿದ್ದು, ಈ ಕೆಲಸಕ್ಕಾಗಿ ಬಕ್ಕಿಂಗ್ ಹ್ಯಾಮ್ ಆರಮನೆ ವಾರ್ಷಿಕ 30 ಸಾವಿರ ಪೌಂಡ್ ಪ್ಯಾಕೇಜ್ ನೀಡುವುದಾಗಿ ಜಾಹೀರಾತು ನೀಡಿದೆ.
ಬ್ರಿಟನ್ ರಾಣಿಯ ಅಧಿಕೃತ ವೆಬ್ ಸೈಟ್ ನಲ್ಲಿ ಈ ಜಾಹೀರಾತು ಪ್ರಕಟವಾಗಿದ್ದು, ಹೊಸ ಡಿಜಿಟಲ್ ಕಮ್ಯೂನಿಕೇಷನ್ ಅಧಿಕಾರಿ ಬೇಕಾಗಿದ್ದಾರೆ ಎಂದು ತಿಳಿಸಲಾಗಿದೆ.
ರಾಣಿಯ ಟ್ವಿಟರ್ ಖಾತೆ ನಿರ್ವಹಣೆ ಹಾಗೂ ಎಲಿಜಬೆತ್ ಅವರ ಕೆಲಸ ಹಾಗೂ ರಾಯಲ್ ಕುಟಂಬದ ಸಾರ್ವಜನಿಕ ಪಾತ್ರದ ಬಗ್ಗೆ ಫೇಸ್ ಬುಕ್ ಸೇರಿದಂತೆ ಇತರೆ ಸಾಮಾಜಿಕ ತಾಣಗಳ ಮೂಲಕ ಜನತೆಗೆ ತಿಳಿಸುವುದು ಡಿಜಿಟಲ್ ಕಮ್ಯೂನಿಕೇಷನ್ ಅಧಿಕಾರಿಯ ಜವಾಬ್ದಾರಿಯಾಗಿರುತ್ತದೆ ಎಂದು ಸನ್ ದಿನ ಪತ್ರಿಕೆ ವರದಿ ಮಾಡಿದೆ.
