ಗೋಡೆ ನಿರ್ಮಾಣಕ್ಕೆ ವೆಚ್ಚ ಭರಿಸುವುದರ ವಿರುದ್ಧ ಅಮೆರಿಕಾಗೆ ಮೆಕ್ಸಿಕೋ ಎಚ್ಚರಿಕೆ

ಮೆಕ್ಸಿಕೋ: ಮೆಕ್ಸಿಕೋ-ಅಮೆರಿಕಾ ನಡುವೆ ಗೋಡೆ ನಿರ್ಮಿಸುವ ಯೋಜನೆಗೆ ತಗುಲುವ ವೆಚ್ಚವನ್ನು ವಾಪಸ್ ಪಡೆಯಲು ಮೆಕ್ಸಿಕೋಗೆ ರಫ್ತು ಮಾಡುವ ಸರಕುಗಳ ಮೇಲೆ ಏಕಪಕ್ಷೀಯ ತೆರಿಗೆ ವಿಧಿಸುವುದನ್ನು ಮೆಕ್ಸಿಕೋ ವಿರೋಧಿಸಿದೆ. 

ಅಮೆರಿಕಾಗೆ ಎಚ್ಚರಿಕೆ ನೀಡಿರುವ ಮೆಕ್ಸಿಕೋ ತಾನೂ ಸಹ ಅದೇ ರೀತಿಯಲ್ಲಿ ಉತ್ತರಿಸಬೇಕಾಗುತ್ತದೆ ಎಂದು ಹೇಳಿದೆ. ಅಮೆರಿಕ ಏಕಪಕ್ಷೀಯ ತೆರಿಗೆ ವಿಧಿಸುವುದರ ಬಗ್ಗೆ ಮಾತನಾಡಿರುವ ಮೆಕ್ಸಿಕೋದ ವಿದೇಶಾಂಗ ಸಚಿವ ಮೆಕ್ಸಿಕೋ ರಫ್ತನ್ನು ಅವಲಂಬಿಸಿರುವ ಅಮೆರಿಕಾದ ರಾಜ್ಯಗಳಿಗೆ ಮೆಕ್ಸಿಕೋ ಸರ್ಕಾರ ಸಹ ನಿರ್ದಿಷ್ಟ ಸರಕುಗಳಿಗೆ ಏಕಪಕ್ಷೀಯ ತೆರಿಗೆಯನ್ನು ವಿಧಿಸಬಹುದು ಎಂದು ಎಚ್ಚರಿಸಿದ್ದಾರೆ. 

ನಿಗದಿಗಿಂತಲೂ ಮುಂಚಿತವಾಗಿಯೇ ಗೋಡೆ ನಿರ್ಮಿಸಲು ಹೊರಟಿರುವ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತ, ಮಾರ್ಚ್ ನಿಂದ ಗೋಡೆ ನಿರ್ಮಾಣಕ್ಕೆ ವಿನ್ಯಾಸಗಳನ್ನು ಪಡೆಯಲು ಪ್ರಾರಂಭಿಸಲಿದೆ ಎಂದು ಟ್ರಂಪ್ ಆಡಳಿತ ತಿಳಿಸಿದೆ.